ഇക്കഴിഞ്ഞ ജൂൺ മാസം 27 നായിരുന്നു കൊല്ലം പുത്തൻ തുറ സ്വദേശിനി അഞ്ജുവിന്റെയും ചവറ സ്വദേശി നന്ദുവിന്റെയും വിവാഹം. ഒരാഴ്ച തികയും മുൻപ് സ്ത്രീധനത്തിന്റെ പേരിൽ ചോദ്യങ്ങളുണ്ടായെന്ന് യുവതി. പിന്നീട് പ്രശ്നങ്ങൾ പരിഹരിച്ച് സൗദിയിൽ മടങ്ങിയ ഭർത്താവിന്റെ അടുത്തേക്ക് അഞ്ജു പോയി. വിദേശത്ത് വെച്ചും അതിക്രൂരമർദ്ദനം.
സെപ്റ്റംബർ 30ന് നാട്ടിൽ മടങ്ങിയെത്തിയ അഞ്ജു ചവറ പോലീസിന് പരാതി നൽകി, പരാതിയിൽ ഭർത്താവ് നന്ദു, അച്ഛൻ ദിനേശ്, അമ്മ ജഗദമ്മ എന്നിവർക്കെതിരെ കേസെടുത്തിട്ടുണ്ട്. കർശന നടപടിയെന്ന് മന്ത്രി ബിന്ദു കൃഷ്ണ പറഞ്ഞു.. ഞെട്ടിപ്പിക്കുന്ന സംഭവമെന്ന് ഡിവൈഎഫ്ഐ സംസ്ഥാന പ്രസിഡന്റ് ചിന്താ ജെറോം പ്രതികരിച്ചു. മർദ്ദനത്തിൽ ഗുരുതരമായി പരിക്കേറ്റ അഞ്ജു കൊല്ലം ജില്ലാ ആശുപത്രിയിൽ ചികിത്സയിലാണ്.
