വിശ്വകവി രവീന്ദ്രനാഥ ടാഗോർ അദ്ദേഹത്തെ 'മഹാത്മാ' എന്ന് വിളിച്ച് ആദരിച്ചപ്പോൾ, തിരിച്ച് ടാഗോറിനെ ഗാന്ധിജി 'ഗുരുദേവൻ' എന്ന് വിളിച്ചു. ആദർശങ്ങളിലെ വിട്ടുവീഴ്ചയില്ലാത്ത നിലപാടുകളും പരസ്പര ബഹുമാനവും നിറഞ്ഞ അവരുടെ സൗഹൃദം ഭാരതീയ ചിന്തയുടെ ഉദാത്തമായ മാതൃകയാണ്.
പകയും വിദ്വേഷവും നിറഞ്ഞ ഇന്നത്തെ ലോകസാഹചര്യങ്ങളിൽ, ഗാന്ധിജി ഉയർത്തിപ്പിടിച്ച സ്നേഹത്തിന്റെയും പരസ്പരസഹിഷ്ണുതയുടെയും സന്ദേശങ്ങൾക്ക് പണ്ടത്തേക്കാളേറെ പ്രസക്തിയുണ്ട്.
ഭേദചിന്തകൾക്കതീതമായി മനുഷ്യനെ സ്നേഹിക്കാനും, സമാധാനത്തിന്റെ പാതയിലൂടെ സഞ്ചരിക്കാനും അദ്ദേഹത്തിന്റെ ഓർമ്മകൾ നമുക്ക് എന്നും കരുത്താകട്ടെ. എല്ലാ പ്രിയപ്പെട്ടവർക്കും ഗാന്ധി ജയന്തി ആശംസകൾ! Media16 news
