റിയാദ്: സൗദി അറേബ്യയിലെ തായിഫ്-റാനിയ റോഡിലുണ്ടായ വാഹനാപകടത്തില്‍ രണ്ട് മലയാളി നഴ്‌സുമാര്‍ ഉള്‍പ്പെടെ അഞ്ചുപേര്‍ കൊല്ലപ്പെട്ടു. കോട്ടയം അയര്‍ക്കുന്നം സ്വദേശിനി ജെയ്സി മോള്‍ മാത്യു (36), കുറുമല്ലൂര്‍ സ്വദേശിനി ആനച്ചേരി അഞ്ചാകുന്നേല്‍ ജോബിന ജോണി (26) എന്നിവരാണ് അപകടത്തില്‍ മരിച്ച മലയാളി നഴ്‌സുമാര്‍. ഇവര്‍ക്കൊപ്പം കാറിലുണ്ടായിരുന്ന സഹപ്രവര്‍ത്തകരും തമിഴ്നാട് സ്വദേശികളുമായ വിജയലക്ഷ്മി (36), ഹെപ്സിബ (33) എന്നിവരും വാഹനം ഓടിച്ചിരുന്ന സൗദി പൗരനുമാണ് മരണപ്പെട്ട മറ്റുള്ളവര്‍. ഇവർ സഞ്ചരിച്ച വാഹനം നിയന്ത്രണം തെറ്റി മറിയുകയായിരുന്നു. തായിഫ് ഗവര്‍ണറേറ്റിലെ അല്‍ ഗാഫ, അല്‍ അവെയ്ല ക്ലിനിക്കുകളില്‍ ജോലി ചെയ്തിരുന്ന ജീവനക്കാരാണ് അപകടത്തില്‍പ്പെട്ടത്
