2036 ല് ഇന്ത്യയില് ഒളിമ്പിക്സ് നടത്തപ്പെടുകയാണെങ്കില് രാജ്യത്ത് ഏറ്റവും കൂടുതല് മെഡല് നേടുന്ന സംസ്ഥാനമായി നമ്മള് മാറണമെന്നും അദ്ദേഹം പറഞ്ഞു. 'ഒളിമ്പിക്സ് ആണ് നമ്മുടെ ഫോക്കസ്. അന്ന് രാജ്യത്തിനു വേണ്ടി മെഡല് നേടുന്ന ആളുകളുടെ കൂട്ടത്തിലെ പ്രൈം നമ്പര് കേരളത്തില് നിന്നായിരിക്കണം എന്നാണ് നമ്മള് ആഗ്രഹിക്കുന്നത്. പുതിയ തലമുറയിലെ വിദ്യാര്ത്ഥികളിലൂടെയാണ് അത് സാധിക്കുക. സ്പോര്ട്സിനെ ഏറ്റവും പ്രധാനത്തോടുകൂടി തന്നെ മുന്നോട്ടു പോകണം. കേന്ദ്ര മന്ത്രിയുമായിട്ടുള്ള കൂടിക്കാഴ്ചയില് കേരളത്തിന്റെ കാര്യങ്ങള് മുന്നോട്ടു വെക്കുകയും അതിന് പോസിറ്റീവ് ആയിട്ടുള്ള പ്രതികരണങ്ങള് ഉണ്ടാവുകയും ചെയ്തിട്ടുണ്ട്' -ജനീഷ് പറഞ്ഞു.
വളരെ പ്രസക്തമായ ഒരു മുദ്രാവാക്യം ഉയര്ത്തിപ്പിടിച്ചാണ് നാഷണല് സ്പോര്ട്സ് ഡേയുടെ ഭാഗമായ ഈ ചടങ്ങ് സംഘടിപ്പിച്ചത്. പ്രിയങ്കരനായ മുന്ഹോക്കി ഇതിഹാസതാരം മേജര് ധ്യാന്ചന്ദ്രന്റെ ജന്മദിനമായ ആഗസ്റ്റ് 29ന് ദേശീയ ഗായിക ദിനമായി ആചരിക്കുന്നതോടൊപ്പം വിദ്യാര്ത്ഥികളോടും യുവാക്കളോടും 'ഒരു മണിക്കൂറെങ്കിലും മൈതാനങ്ങളില് ചെലവഴിക്കണം' എന്നാണ് ഗവണ്മെന്റ് ആവശ്യപ്പെട്ടത്. മുന്കാലങ്ങളില് മാതാപിതാക്കള് തുടങ്ങി അധ്യാപകര് വരെ നമ്മുടെ സംവിധാനങ്ങള് എല്ലാവരും പറഞ്ഞുകൊണ്ടിരുന്നത് കളിച്ചു നടന്ന് സമയം കളയരുത് എന്നാണ്. എന്നാല്, ഇത് നേരെ തിരിച്ചുപറയേണ്ട ഒരു കാലത്തിലേക്ക് വന്നു. മൈതാനങ്ങളിലേക്ക് പോകണം മൈതാനങ്ങളില് ചെലവഴിക്കണം എന്ന് പറയേണ്ട ഒരു അവസ്ഥയിലേക്ക് വന്നു.
