തിരുവനന്തപുരം ആര്യനാട് കൂളപ്പടയിൽ 29കാരനായ രാഹുലിനെ റോഡിൽ മരിച്ച നിലയിൽ കണ്ടെത്തിയ സംഭവം കൊലപാതകമെന്ന് പോലീസ് സ്ഥിരീകരിച്ചു.
പെയിന്റിങ് തൊഴിലാളിയായ രാഹുൽ അന്ന് രാത്രിയും പതിവുപോലെ സുഹൃത്തുക്കൾക്കൊപ്പമായിരുന്നു. ഒരുമിച്ചിരുന്ന് മദ്യപിക്കുന്നതിനിടെ പണത്തെച്ചൊല്ലിയുണ്ടായ തർക്കം… പിന്നീട് പെൺവിഷയം കൂടി ചർച്ചയായതോടെ വാക്കുകൾക്ക് മൂർച്ച കൂടി.
അവസാനം ആ വാക്കുതർക്കം കൈയാങ്കളിയിലേക്ക് എത്തി.
ഒരു നിമിഷത്തെ കോപം… ഒരു അടിയിലേക്ക്… പിന്നെ ഒരു കുടുംബത്തിന്റെ മുഴുവൻ ജീവിതത്തിലേക്കും പടർന്ന കണ്ണീരായി മാറി.
തലയ്ക്ക് ഗുരുതരമായി പരിക്കേറ്റ രാഹുലിനെ വഴിയിൽ ഉപേക്ഷിച്ച് സുഹൃത്തുക്കൾ കടന്നുകളഞ്ഞെന്നാണ് പോലീസ് പറയുന്നത്. മൃതദേഹത്തിന് സമീപത്തുനിന്ന് റബ്ബർ തടിക്കഷ്ണവും കണ്ടെത്തിയിട്ടുണ്ട്. ഇതുപയോഗിച്ചാണ് തലയ്ക്കടിച്ചതെന്നാണ് പോലീസിന്റെ പ്രാഥമിക നിഗമനം.
സംഭവവുമായി ബന്ധപ്പെട്ട് രാഹുലിന്റെ സുഹൃത്തുക്കളായ സാജൻ, ലിബിഷ്, അരുൺ, കിരൺ എന്നിവരെ പോലീസ് കസ്റ്റഡിയിലെടുത്തിട്ടുണ്ട്.
ഒരുപക്ഷേ ആ രാത്രി അവർക്കിടയിൽ ഉണ്ടായിരുന്ന തർക്കം കുറച്ച് നിമിഷങ്ങൾക്കുള്ളിൽ അവസാനിക്കേണ്ട ഒന്നായിരുന്നിരിക്കാം…
പക്ഷേ കോപത്തിന് നിയന്ത്രണം നഷ്ടപ്പെട്ടപ്പോൾ അവസാനിച്ചത് ഒരു മനുഷ്യന്റെ ജീവിതമായിരുന്നു.
സുഹൃത്തുക്കളെന്ന് വിശ്വസിച്ച് ഒപ്പം നടന്നവർ തന്നെ ഒടുവിൽ തന്റെ മരണത്തിന് കാരണക്കാരാകുമെന്ന് രാഹുൽ ഒരിക്കലും കരുതിയിട്ടുണ്ടാകില്ല…
ഒരു നിമിഷത്തെ വികാരത്തിന് വേണ്ടി ഒരു ജീവിതം തന്നെ ഇല്ലാതാക്കരുത്.
കാരണം ഒരാൾ മരിക്കുമ്പോൾ അവസാനിക്കുന്നത് അയാളുടെ മാത്രം ജീവിതമല്ല… അയാളെ കാത്തിരുന്ന ഒരു കുടുംബത്തിന്റെ പ്രതീക്ഷകളും കൂടിയാണ്.
