തെരഞ്ഞെടുപ്പിൽ വിജയിച്ചതിന് ശേഷം പ്രകടനപത്രികയിലെ വാഗ്ദാനങ്ങൾ പാലിക്കുന്നതിൽ പരാജയപ്പെടുന്ന രാഷ്ട്രീയ പാർട്ടികളുടെ തെരഞ്ഞെടുപ്പ് ചിഹ്നം അസാധുവാക്കണമെന്നും, അവരുടെ രജിസ്ട്രേഷനോ അംഗീകാരമോ റദ്ദാക്കാൻ തെരഞ്ഞെടുപ്പ് കമ്മീഷന് നിർദ്ദേശം നൽകണമെന്നും ഹരജിയിൽ ആവശ്യപ്പെടുന്നുണ്ട്. രാഷ്ട്രീയ പാർട്ടികളുടെ പ്രകടനപത്രികകൾ നിയന്ത്രിക്കുന്നതിനായി കേന്ദ്ര സർക്കാരോ തെരഞ്ഞെടുപ്പ് കമ്മീഷനോ ഇതുവരെ യാതൊരു നടപടിയും സ്വീകരിച്ചിട്ടില്ലെന്ന് ഹരജി ചൂണ്ടിക്കാട്ടുന്നു.
ഒരു രാഷ്ട്രീയ പാർട്ടിയുടെ വിഷൻ ഡോക്യുമെന്റ് കൂടിയാണ് പ്രകടനപത്രികയെന്നും, തെരഞ്ഞെടുപ്പിൽ വിജയിച്ചാൽ നടപ്പാക്കാൻ ഉദ്ദേശിക്കുന്ന കാര്യങ്ങളാണ് അതിൽ ഉൾക്കൊള്ളിക്കുന്നതെന്നും അതിനാൽ അത് നടപ്പിലാക്കാൻ പാർട്ടികൾ നിയമപരമായി ബാധ്യസ്ഥരാണെന്നും ഹരജിയിൽ പറയുന്നു. കൂടാതെ, സാമ്പത്തിക പ്രതിസന്ധിയുള്ള ഘട്ടങ്ങളിൽ സംസ്ഥാനത്തിന്റെ പൊതുഖജനാവിന് അധിക ബാധ്യതയുണ്ടാക്കുന്ന തരത്തിലുള്ള അതിശയോക്തിപരമായ വാഗ്ദാനങ്ങൾ നൽകുന്നതിൽ നിന്ന് രാഷ്ട്രീയ പാർട്ടികൾ വിട്ടുനിൽക്കണമെന്നും ഹരജിയിൽ പ്രത്യേകം ആവശ്യപ്പെടുന്നുണ്ട്.
