2026 മാർച്ച് 21-നാണ് റെക്സിനെ കാണാതായത്. ഖത്തറിലെ അൽ റയ്യാൻ മേഖലയിലുള്ള മുറൈഖ് നോർത്ത്, അൽ ഫുറൂസിയ സ്ട്രീറ്റ് എന്നിവിടങ്ങളുടെ പരിസരത്ത് നിന്നാണ് പൂച്ചയെ കാണാതായത്. ഓറഞ്ച് നിറത്തിലുള്ള ആൺപൂച്ചയാണ് റെക്സ്. മഞ്ഞ നിറത്തിലുള്ള കണ്ണുകളാണ് ഇതിന്റെ പ്രധാന തിരിച്ചറിയൽ അടയാളമായി പറയുന്നത്. പ്രായം 12-13 വയസ്സാണ്. മാർച്ചിൽ കാണാതായ റെക്സിനെ മാസങ്ങൾ പിന്നിട്ടിട്ടും കണ്ടെത്താൻ കഴിയാത്ത സാഹചര്യത്തിലാണ് ഇത്രയും വലിയൊരു തുക പ്രതിഫലമായി പ്രഖ്യാപിച്ചുകൊണ്ടുള്ള അറിയിപ്പുകൾ വീണ്ടും ശ്രദ്ധ നേടുന്നത്.
ഒരു വളർത്തുമൃഗത്തെ കണ്ടെത്താൻ 1 ലക്ഷം ഖത്തർ റിയാൽ പോലൊരു വലിയ തുക പ്രതിഫലമായി പ്രഖ്യാപിച്ചത് തന്നെയാണ് ഈ സംഭവത്തെ സോഷ്യൽ മീഡിയയിൽ വേറിട്ട ചർച്ചയാക്കി മാറ്റിയത്. റിപ്പോർട്ടുകളിൽ പ്രതിഫലത്തുക കൃത്യമായി പറയുന്നുണ്ടെങ്കിലും, ഈ തുക ആരാണ് പ്രഖ്യാപിച്ചതെന്നോ പൂച്ചയുടെ ഉടമ ആരാണെന്നോ ഇതുവരെ വ്യക്തമായിട്ടില്ല
