ഇന്നലെ വൈകിട്ടാണ് സംഭവം. വീട്ടുമുറ്റത്ത് സഹോദരിയോടൊപ്പം കളിച്ചുകൊണ്ടിരിക്കെയാണ് ശരണിന് നേരെ തെരുവുനായ ആക്രമണമുണ്ടായത്. കുട്ടികൾ ബഹളം വയ്ക്കുന്നത് കേട്ട് വീട്ടുകാർ എത്തിയപ്പോഴേക്കും തെരുവുനായ ശരണിന്റെ വിരൽ കടിച്ചെടുത്തിരുന്നു. ശരണിന്റെ കാലിനും ഗുരുതരമായി പരിക്കേറ്റിട്ടുണ്ട്.
തെരുവുനായ പാഞ്ഞടുത്ത ഉടൻ സഹോദരി ഓടിമാറിയതിനാൽ രക്ഷപ്പെടുകയായിരുന്നു. ഗുരുതരമായി പരിക്കേറ്റ ശരണിനെ തിരുവനന്തപുരം എസ്എടി ആശുപത്രിയിൽ പ്രവേശിപ്പിച്ചു. ശരണിനെ ആക്രമിച്ച തെരുവുനായ സമീപ പ്രദേശങ്ങളിലെ വളർത്തു മൃഗങ്ങളെയും ആക്രമിച്ചതായി പ്രദേശവാസികൾ പറഞ്ഞു."
