പലപ്പോഴും നമ്മൾ കാണുന്ന ഒരു കാഴ്ചയാണ് വലത് ലെയ്നിലൂടെ കുറഞ്ഞ വേഗതയിൽ വാഹനങ്ങൾ പോകുന്നത്. ഓർക്കുക, വലത് ലെയ്ൻ എപ്പോഴും ഓവർടേക്ക് ചെയ്യാൻ വേണ്ടിയും അടിയന്തിര ആവശ്യങ്ങൾക്കുള്ള വാഹനങ്ങൾക്കും മാത്രമുള്ളതാണ് - മറ്റൊന്നിനുമല്ല.
ഈ ലെയ്നിലൂടെ തുടർച്ചയായി വണ്ടി ഓടിക്കുന്നത് കൊണ്ടുള്ള പ്രശ്നങ്ങൾ എന്തൊക്കെയാണ്?
🚫 പിന്നിൽ വരുന്ന മറ്റ് വാഹനങ്ങൾക്ക് ഇത് വലിയ തടസ്സം സൃഷ്ടിക്കുന്നു.
🚫 ഇടത് വശത്തൂടെ ഓവർടേക്ക് ചെയ്യാൻ മറ്റ് ഡ്രൈവർമാരെ ഇത് നിർബന്ധിതരാക്കുന്നു (ഇടത് വശത്തൂടെയുള്ള ഓവർടേക്കിങ് വലിയ അപകടങ്ങൾക്ക് കാരണമാകും).
🚫 അടിയന്തര ആവശ്യങ്ങൾക്ക് പോകുന്ന ആംബുലൻസ് അടക്കമുള്ള വാഹനങ്ങളുടെ സമയം നഷ്ടപ്പെടുത്തുന്നു.
ഓവർടേക്ക് ചെയ്തതിന് ശേഷം സുരക്ഷിതമായി ഇടത് ലെയ്നിലേക്ക് തന്നെ മടങ്ങുക. വലത് ലെയ്ൻ എപ്പോഴും ഒഴിച്ചിടാൻ ശ്രദ്ധിക്കുക. ശരിയായ ലെയ്ൻ ഉപയോഗിക്കുന്നത് നിയമം മാത്രമല്ല, റോഡിലെ മറ്റ് യാത്രക്കാരോടുള്ള നമ്മുടെ ഉത്തരവാദിത്തം കൂടിയാണ്.
നമുക്ക് ഒരുമിച്ച് റോഡുകൾ സുരക്ഷിതമാക്കാം!
