തീവണ്ടിപ്പാളത്തിന് സമീപമുള്ള അമ്മവീട്ടിൽ മുറ്റത്തിരുന്ന് കളിക്കുന്നതിനിടെ ആരുടെയും ശ്രദ്ധയിൽപ്പെടാതെ കുട്ടി മുട്ടിലിഴഞ്ഞ് സമീപത്തെ പാളത്തിലേക്ക് കയറുകയായിരുന്നു. എറണാകുളത്തുനിന്ന് കൊല്ലത്തേക്ക് പോയ മെമു തീവണ്ടിയാണ് കുട്ടിയെ ഇടിച്ചത്.
അമ്പലപ്പുഴ പോലീസ് നടപടികൾ പൂർത്തിയാക്കി മൃതദേഹം ആലപ്പുഴ മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.
മത്സ്യത്തൊഴിലാളിയാണ് പിതാവ് വിനീത്. മാതാവ് സൂര്യാ ബാബു സ്വകാര്യ ആശുപത്രിയിൽ നഴ്സായി ജോലി ചെയ്യുന്നു.
