13 കാരനായ സഹോദരനെ കാണാനില്ലെന്ന സഹോദരിയുടെ പരാതിയിലാണ് അയൽവാസിയായ സിയാദിനെ കസ്റ്റഡിയിലെടുത്തത്. ജൂൺ 16-ന് രാത്രി ഭാര്യയുടെയും മക്കളുടെയും മുന്നിൽ വെച്ചാണ് സിയാദിനെ പിടിച്ചുകൊണ്ടുപോയത്.
ജൂൺ 17-ന് പുലർച്ചെ മുഴുവൻ സിയാദിനെ വിട്ടുകിട്ടുന്നതിനായി ഭാര്യയും മകളും പൊലീസ് സ്റ്റേഷനിൽ നിന്നിരുന്നതായി ഭാര്യ വ്യക്തമാക്കി. മർദ്ദനത്തിൽ സിയാദിന്റെ വാരിയെല്ല് പൊട്ടിയതായും അതിന് പരുക്കുള്ളതായി ഡോക്ടർമാർ പറഞ്ഞതായും കുടുംബം ആരോപിക്കുന്നു.
കുണ്ടറ സ്റ്റേഷനിലെ എസ്.ഐ അതുൽ, കോൺസ്റ്റബിൾ ശ്രീജിത്ത് എന്നിവർക്കെതിരെയാണ് കുടുംബം ഗുരുതരമായ ആരോപണം ഉന്നയിച്ചിരിക്കുന്നത്.
