വീഡിയോയ്ക്ക് താഴെ പെൺകുട്ടിയെ പിന്തുണച്ചുകൊണ്ടും രസകരമായ അനുഭവങ്ങൾ പങ്കുവെച്ചുകൊണ്ടും നിരവധി പേരാണ് കമന്റ് ചെയ്യുന്നത്. ഇതൊരു മികച്ച ഐഡിയയാണെന്നും, ഈ വഴി പറഞ്ഞുതന്നതിന് വലിയ നന്ദിയുണ്ടെന്നുമാണ് പല പെൺകുട്ടികളും കമന്റ് ചെയ്യുന്നത്. മുൻപ് താനും സമാനമായ രീതിയിൽ ചെയ്തപ്പോൾ അഞ്ചുവർഷത്തേക്ക് വീട്ടുകാരിൽ നിന്നും പൂർണ്ണ സമാധാനം ലഭിച്ചുവെന്ന് മറ്റൊരു യുവതി തൻ്റെ അനുഭവം പങ്കുവെച്ചു. പെൺകുട്ടിയുടെ ധൈര്യത്തെ പ്രശംസിച്ചുകൊണ്ട് മികച്ചൊരു ഭാവി ആശംസിക്കുന്നവരുമുണ്ട്. അതേസമയം, താനും ഈ ഐഡിയ പരീക്ഷിക്കുമെന്ന് പറഞ്ഞപ്പോൾ, വിലകൂടിയൊരു വിഗ് വാങ്ങിത്തരാമെന്നായിരുന്നു അമ്മയുടെ മറുപടിയെന്ന മറ്റൊരു പെൺകുട്ടിയുടെ രസകരമായ കമന്റും ചിരി പടർത്തുന്നുണ്ട്. സമ്മർദ്ദങ്ങൾക്കിടയിലും സ്വന്തം തീരുമാനങ്ങളിൽ ഉറച്ചുനിൽക്കാൻ പെൺകുട്ടി കാട്ടിയ വേറിട്ട വഴിയാണ് ഇപ്പോൾ ഇൻ്റർനെറ്റിലെ സംസാരവിഷയം
