വർക്കല പുത്തൻചന്തയിൽ നിന്ന് ബസിൽ കയറിയ ജാക്സൺ 'ഈ ബസ് അഞ്ചുതെങ്ങിലേക്കാണോ പോകുന്നത്' എന്ന് കണ്ടക്ടറോട് ചോദിച്ചു. 'ബോർഡ് വായിക്കാൻ അറിയില്ലേ' എന്ന തരത്തിൽ കണ്ടക്ടർ പ്രതികരിച്ചതോടെ വാക്കേറ്റമായി. വർക്കല ആയുർവേദ ആശുപത്രിക്ക് സമീപം പ്രതി ബസിൽ നിന്ന് ഇറങ്ങുന്നതിനിടെ കണ്ടക്ടറുമായി വീണ്ടും വാക്കേറ്റവും കൈയേറ്റവുമുണ്ടായി. ഇതോടെ ഡ്രൈവർ ബിജോയ് ബസ് നിർത്തി ഇരുവരെയും പിടിച്ചുമാറ്റാൻ ശ്രമിക്കുന്നതിനിടെയാണ് പ്രതി ബാഗിൽനിന്ന് കത്തിയെടുത്ത് ഡ്രൈവറെ കുത്തിയത്.
