കേരള ഹൈക്കോടതി
ജഡ്ജി തൻ്റെ പേഴ്സണൽ സെക്യൂരിറ്റി ഓഫീസർക്കൊപ്പം ഔദ്യോഗിക വാഹനത്തിൽ ഹൈക്കോടതിയിൽ നിന്ന് തൻ്റെ വസതിയിലേക്ക് മടങ്ങുകയായിരുന്നു. ഹൈക്കോടതിയിൽ നിന്ന് ഏകദേശം 4 കിലോമീറ്റർ അകലെയുള്ള കെ എസ് ഉദയൻ റോഡിൽ എത്തിയപ്പോൾ, പ്രതി ജഡ്ജിക്ക് നേരെ അസഭ്യം പറയുകയും വാഹനം മാറ്റി പോകാൻ പറയുകയും ചെയ്തതായാണ് ആരോപണം.
ഇതിനെ തുടർന്ന് പിഎസ്ഒ ഇ-മെയിൽ വഴി എറണാകുളം ടൗൺ നോർത്ത് പോലീസ് സ്റ്റേഷനിലേക്ക് പരാതി അയച്ചു. തുടർന്ന് ഭാരതീയ ന്യായ സംഹിതയിലെ (BNS) സെക്ഷൻ 281 (അശ്രദ്ധമായും അമിതവേഗതയിലും വാഹനം ഓടിക്കൽ), സെക്ഷൻ 296(b) (പൊതുസ്ഥലത്ത് അശ്ലീല വാക്കുകൾ ഉപയോഗിക്കൽ) എന്നീ വകുപ്പുകൾ പ്രകാരം പോലീസ് എഫ്ഐആർ രജിസ്റ്റർ ചെയ്തു. പ്രതിയെ ഇതുവരെ തിരിച്ചറിഞ്ഞിട്ടില്ലെങ്കിലും, അദ്ദേഹത്തിന്റെ സ്കൂട്ടർ നമ്പറായ KL 07 CT 2289 എഫ്ഐആറിൽ രേഖപ്പെടുത്തിയിട്ടുണ്ട്.
