പാരിപ്പള്ളി.കടമ്പാട്ടുകോണം: കെഎസ്ആർടിസി ബസ് കണ്ടെയ്നറിന് പിന്നിലിടിച്ച് 10 പേർക്ക് പരിക്ക്
തിരുവനന്തപുരം ജില്ലയിൽ കടമ്പാട്ടുകോണം സമീപം ഉണ്ടായ വാഹനാപകടത്തിൽ പത്തോളം പേർക്ക് പരിക്കേറ്റു
തിരുവനന്തപുരം ഭാഗത്തേക്ക് പോവുകയായിരുന്ന കണ്ടെയ്നർ ലോറിക്ക് പിന്നാലെ അതേ ദിശയിൽ സഞ്ചരിച്ച കെഎസ്ആർടിസി സൂപ്പർഫാസ്റ്റ് ബസാണ് അപകടത്തിൽപ്പെട്ടത്.
റോഡിൽ നിയന്ത്രണം നഷ്ടപ്പെട്ട ബസ് തെന്നിമാറി കണ്ടെയ്നറിന്റെ പിന്നിലിടിക്കുകയായിരുന്നുവെന്നാണ് പ്രാഥമിക വിവരം
ഇടിയുടെ ആഘാതത്തിൽ ബസിന്റെ മുൻഭാഗം ഭാഗികമായി തകർന്നു. യാത്രക്കാരിൽ പത്തോളം പേർക്ക് പരിക്കേറ്റു.
അപകടം നടന്ന ഉടൻ നാട്ടുകാരും പോലീസും ചേർന്ന് രക്ഷാപ്രവർത്തനം നടത്തി
പരിക്കേറ്റവരെ ഉടൻ തന്നെ പാരിപ്പള്ളി ഇഎസ്ഐ മെഡിക്കൽ കോളജ് ആശുപത്രിയിലേക്ക് മാറ്റി. ചിലരുടെ നില ഗുരുതരമാണോയെന്ന കാര്യത്തിൽ കൂടുതൽ വിവരങ്ങൾ പുറത്തുവന്നിട്ടില്ല.
അപകടത്തെ തുടർന്ന് പ്രദേശത്ത് കുറച്ചുസമയം ഗതാഗത തടസ്സവും അനുഭവപ്പെട്ടു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്
