ചായ വിൽക്കാൻ ലക്ഷങ്ങൾ വിലയുള്ള റോൾസ് റോയിസ് കാർ ഒരു ലക്ഷം രൂപ വാടകയ്ക്ക് എടുത്താണ് ഈ യുവാവ് ഞെട്ടിച്ചത്. വരുന്നവർക്ക് നടക്കാൻ ചുവന്ന പരവതാനി, കുടിക്കാൻ ചൂട് ചായ, ഒപ്പം ക്രിസ്പി ബിസ്ക്കറ്റുകളും കുക്കീസും. സംഭവം ശരിക്കും ഒരു 'റോയൽ' അനുഭവം തന്നെ!
ഈ പരീക്ഷണത്തിനായി ഭയാജിക്ക് ഏകദേശം 1.08 ലക്ഷം രൂപ ചിലവായെങ്കിലും ചായ വിറ്റുകിട്ടിയത് 88,400 രൂപ മാത്രമാണ്. സാമ്പത്തികമായി നോക്കിയാൽ ഇതൊരു വലിയ നഷ്ടമാണെന്ന് തോന്നാം. പക്ഷേ ഭയാജിക്ക് പറയാനുള്ളത് മറ്റൊന്നാണ്; "എന്റെ വണ്ടിയിൽ കയറി ചായ കുടിച്ചവരുടെ മുഖത്തെ ആ സന്തോഷമുണ്ടല്ലോ, അതാണ് എന്റെ ഏറ്റവും വലിയ ലാഭം!"
സോഷ്യൽ മീഡിയയിൽ തരംഗമായ ഈ വീഡിയോ ഇതിനോടകം ഒന്നരക്കോടിയിലധികം ആളുകളാണ് കണ്ടത്. വ്യത്യസ്തമായ ആശയങ്ങൾ കൊണ്ടുവരുന്നവർക്ക് മുന്നിൽ സോഷ്യൽ മീഡിയയും ചായപ്രേമികളും ഒരുപോലെ കൈയടിക്കുകയാണ്.
