കുടുംബാംഗങ്ങളോടൊപ്പം പ്രാർത്ഥനകളിൽ പങ്കുചേർന്ന് ഉറങ്ങാൻ കിടന്ന എബ്രഹാമിനെ ഹൃദയാഘാതത്തിന്റെ രൂപത്തിലാണ് മരണം തട്ടിയെടുത്തത്. പിതാവിന്റെ ചേതനയറ്റ ശരീരത്തിനരികിൽ മകനും എത്തുമ്പോൾ ആ വീടിനും നാടിനും അത് താങ്ങാവുന്നതിലും അധികമായി. ഒരേ വീട്ടുമുറ്റത്ത്, ഒരേ പന്തലിൽ വെച്ച് പിതാവിനും മകനും നാട് വിടചൊല്ലുകയാണ്. ഇന്ന് രാവിലെ 11.30-ന് നിരണം വലിയ പള്ളിയിൽ ഇരുവരുടെയും സംസ്കാര ചടങ്ങുകൾ ഒരേസമയം നടക്കും.
യാത്രയയക്കാൻ വന്ന മകനും പിതാവിനൊപ്പം അക്കരപ്പച്ചയിലേക്ക് യാത്രയാവുകയാണ്. പ്രിയപ്പെട്ടവർക്ക് താങ്ങാനാവട്ടെ ഈ വലിയ വേർപാട്. പ്രണാമം!
