2026 ഏപ്രില് 11 ന് തോന്നക്കല് ആശാന് സ്മാരകത്തില് നടക്കുന്ന നിരാലയുടെ വാർഷികോത്സവത്തിൽ വച്ച് കവി കുരീപ്പുഴ ശ്രീകുമാര് അവാർഡ് സമർപ്പിക്കും. ആറ്റിങ്ങല് നഗരസഭ ചെയർപേഴ്സൺ എം.പ്രദീപ്, കേരള സർവ്വകലാശാല ഹിന്ദി വിഭാഗം മുന് മേധാവി ഡോ.എസ്.തങ്കമണി അമ്മ, കവിയും ഗാനരചയിതാവുമായ രാധാകൃഷ്ണന് കുന്നുംപുറം, വർക്കല ഗോപാലകൃഷ്ണന്, ഡോ.ഒ.വാസവന് എന്നിവര് പ്രസംഗിക്കും. നിരാലാ ബുക്സ് പ്രസിദ്ധീകരിക്കുന്ന മണിപ്പുരി കഥകള്, കബീർക്കവിതയിലെ കാന്തി കിരണങ്ങള്, ഹിന്ദി പുതുകഥകള് എന്നീ പുസ്തകങ്ങള് സമ്മേളനത്തില് പ്രകാശനം ചെയ്യും.
കാലിക്കറ്റ് സർവ്വകലാശാല പ്രൊഫസറായും ഡീനായും പ്രവർത്തിച്ചിട്ടുള്ള ഡോ.ആർസു ഉത്തർപ്രദേശ് , മധ്യപ്രദേശ്, ബീഹാര്, രാജസ്ഥാന്, തമിഴ്നാട് എന്നീ സംസ്ഥാന സർക്കാരുകളുടെ അവാർഡുകൾ , കേരള സർക്കാരിൻ്റെ വിവർത്ത നരത്ന പുരസ്കാരം തുടങ്ങി നിരവധി പുരസ്കാരങ്ങള് നേടിയിട്ടുണ്ട്. കോഴിക്കോട് ഭാഷാസമന്വയവേദിയുടെ അധ്യക്ഷനായ ഇദ്ദേഹം നൂറിലധികം പുസ്തകങ്ങള് രചിച്ചിട്ടുണ്ട്.
