അപകടത്തിന്റെ ആഘാതത്തിൽ ഗുരുതരമായി പരിക്കേറ്റ് ചികിത്സയിലായിരുന്ന ജാസ്ലിയ ഇന്ന് രാവിലെ യാത്രയായി. എന്നാൽ ആ വേർപാടിലും അവളുടെ കുടുംബം എടുത്ത തീരുമാനം നാടിന് മുഴുവൻ മാതൃകയാവുകയാണ്. മസ്തിഷ്ക മരണം സംഭവിച്ച ജാസ്ലിയയുടെ അവയവങ്ങൾ ദാനം ചെയ്യാൻ ആ മാതാപിതാക്കൾ സമ്മതം നൽകി. തന്റെ മകൾ മറ്റൊരാളിലൂടെ ഈ ഭൂമിയിൽ ജീവിക്കട്ടെ എന്ന ആ വലിയ മനസ്സ് ജാസ്ലിയയുടെ വേർപാടിനിടയിലും പ്രകാശമായി നിൽക്കുന്നു.
സാമ്പത്തിക ബുദ്ധിമുട്ടുകൾക്കിടയിലും തളരാതെ, പഠനത്തോടൊപ്പം ജോലി ചെയ്ത് കുടുംബത്തിന് താങ്ങാവാനിരുന്ന പ്രിയപ്പെട്ട ജാസ്ലിയക്ക് കണ്ണീരോടെ വിട നൽകുന്നു. ആ ചിരിക്കുന്ന മുഖം ഇനിയും മറ്റൊരാളിലൂടെ ലോകം കാണും.
