കഴിഞ്ഞ ജനുവരി 25-നായിരുന്നു ഇവരുടെ വിവാഹം. വിവാഹത്തിന് ശേഷം രണ്ടാഴ്ച തികയുന്നതിന് മുൻപേ തന്നെ അറഫയെ ഇയാൾ അകാരണമായി മർദിക്കാറുണ്ടായിരുന്നുവെന്ന് ബന്ധുക്കൾ പരാതിപ്പെടുന്നു. കഴിഞ്ഞ 17-ാം തീയതി അറഫ സ്വന്തം മാതാവിന്റെ സഹോദരിയെ ഫോണിൽ വിളിച്ചതാണ് പ്രതിയെ പ്രകോപിപ്പിച്ചത്.
യുവതിയുടെ മുഖത്തടിക്കുകയും മുതുകിൽ ചവിട്ടുകയും ചെയ്ത ആസിഫ്, വലതുകാൽ മുട്ട് ചവിട്ടിപ്പൊട്ടിച്ചതായും പരാതിയിൽ പറയുന്നു. ഇതിനുപുറമെ കുപ്പി ഉപയോഗിച്ച് നെഞ്ചിലും വാരിയെല്ലിലും ഇയാൾ ക്രൂരമായി അടിച്ചു. പരിക്കേറ്റ യുവതിയെ ബന്ധുക്കൾ ആശുപത്രിയിൽ പ്രവേശിപ്പിച്ചു. യുവതിയുടെയും ബന്ധുക്കളുടെയും പരാതിയുടെ അടിസ്ഥാനത്തിൽ കേസെടുത്ത കഴക്കൂട്ടം പൊലീസ് പ്രതിയെ അറസ്റ്റ് ചെയ്ത് നിയമനടപടികൾ സ്വീകരിച്ചു.
