സംഭവത്തെക്കുറിച്ച് പോലീസ് പറയുന്നത്:
പാലക്കാട് വിക്ടോറിയ കോളേജിന് സമീപത്തെ സ്റ്റുഡിയോയിലെ ജീവനക്കാരായ നാലംഗ സംഘം കോയമ്പത്തൂരിലെ വിവാഹ ഫോട്ടോഗ്രഫി കഴിഞ്ഞ് മടങ്ങുമ്പോഴായിരുന്നു അപകടം. ഇവർ സഞ്ചരിച്ചിരുന്ന സ്വിഫ്റ്റ് ഡിസയർ കാറിലേക്ക് എതിർദിശയിൽ നിന്ന് അമിതവേഗത്തിലെത്തിയ ഇന്നോവ കാർ ഡിവൈഡർ തകർത്ത് ഇടിച്ചുകയറുകയായിരുന്നു.
പരിക്കേറ്റവർ ചികിത്സയിൽ:
കാറിലുണ്ടായിരുന്ന ചിറ്റൂർ സ്വദേശി അഭിലാഷ് (20), കാടാങ്കോട് സ്വദേശി സുനിൽ (40) എന്നിവർക്ക് പരിക്കേറ്റു. ഇവരെ ആദ്യം പാലക്കാട് ജില്ലാ ആശുപത്രിയിൽ പ്രവേശിപ്പിച്ചു. എന്നാൽ നില ഗുരുതരമായതിനെ തുടർന്ന് അഭിലാഷിനെ തൃശൂർ മെഡിക്കൽ കോളേജ് ആശുപത്രിയിലേക്ക് മാറ്റിയിട്ടുണ്ട്.
മൃതദേഹങ്ങൾ നാട്ടിലെത്തിക്കും:
അപകടത്തിന് പിന്നാലെ അജിത്തിനെ കോയമ്പത്തൂർ ജില്ലാ ആശുപത്രിയിലും വിനീഷിനെ വാളയാർ പിംസ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റ്മോർട്ടം നടപടികൾക്ക് ശേഷം തിങ്കളാഴ്ച മൃതദേഹങ്ങൾ നാട്ടിലെത്തിക്കും. സംഭവത്തിൽ കെ.ജി. ചാവടി പോലീസ് കേസ് എടുത്ത് അന്വേഷണം ആരംഭിച്ചു.
അജിത്തിന്റെ കുടുംബം: പിതാവ്: ചന്ദ്രൻ, മാതാവ്: കല്യാണി. സഹോദരങ്ങൾ: അരുൺ, അഭിലാഷ്.
വിനീഷിന്റെ കുടുംബം: ഭാര്യ: പ്രീതി, മകൾ: ആദ്യ.
