കോഴിക്കോട്: പാളയത്ത് റെയിൽവെ സ്റ്റേഷന് സമീപമുള്ള ജയലക്ഷ്മി ടെകസ്റ്റൈൽസിൽ വൻ തീപിടിത്തം. ടെകസ്റ്റൈൽസിന്റെ രണ്ടും മൂന്നു നിലകളിൽ തീ ആളിപ്പടരുകയാണ്. മീഞ്ചന്ത, ബീച്ച്, വെള്ളിമാടുകുന്ന് എന്നീ ഫയര് സ്റ്റേഷനുകളിൽ നിന്നുള്ള ഫയര്ഫോഴ്സാണ് സ്ഥലത്തെത്തിയിട്ടുള്ളത്. തീപടര്ന്ന ഉടനെ ജീവനക്കാരെയും ഉപഭോക്താക്കളെയും പുറത്തിറക്കി. കെട്ടിടത്തിന്റെ പിൻഭാഗത്ത് നിന്ന് പടർന്ന തീ മുകളിലത്തെ നിലയിലേക്ക് ആളിപടരുകയായിരുന്നു. കെട്ടിടത്തിന്റെ മൂന്നു നിലകളിലായാണ് തീപിടിച്ചത്. വെഡ്ഡിങ് സെക്ഷനിലെ വസ്ത്രങ്ങള് സൂക്ഷിച്ച ഭാഗത്താണ് തീ ആളിപടര്ന്നത്. തീപിടിച്ചതിനെതുടര്ന്നുള്ള ചൂട് മൂലം ടെകസ്റ്റൈൽസിലെ ഗ്ലാസുകള് പൊട്ടിത്തെറിക്കുന്നത് രക്ഷാപ്രവര്ത്തനത്തിന് വെല്ലുവിളിയായി മാറുന്നുണ്ട്.
