കഴിഞ്ഞ കുറച്ചു ദിവസമായി സ്വർണവിലയിൽ ഇടിവാണ് രേഖപ്പെടുത്തികൊണ്ടിരുന്നത്. കാര്യമായ ഇടിവുണ്ടായില്ലെങ്കിലും നേരിയ ഇടിവ് സംഭവിച്ചത് ഉപഭോക്താക്കൾക്ക് പ്രതീക്ഷയേകുന്ന ഒന്നാണ്. 5,000 ഡോളറിന് മുകളിലാണ് നിലവിലെ രാജ്യാന്തര വിപണിയിൽ സ്വർണവില. ഇതൊക്കെ തന്നെ ആണ് കേരളത്തിലെ സ്വർണവിലയേയും ബാധിക്കുന്നത്. എന്തായാലും എത്രയൊക്കെ ഏറ്റക്കുറച്ചിലുകൾ ഉണ്ടായാലും പണിക്കൂലി, ജിഎസ്ടി, ഹാൾമാർക്കിങ് ചാർജ് എന്നിവ കൂടി നൽകുമ്പോൾ വില പിന്നെയും കൂടും.
സ്വർണത്തിനെ ഒരു നിക്ഷേപമായിട്ടാണ് ആളുകൾ കാണുന്നത്. കൈയിൽ പണം വന്നാൽ സ്വർണം വാങ്ങി സൂക്ഷിക്കുന്നവർ നിരവധി ആണ്. എന്തെങ്കിലും ആവശ്യം വന്നാൽ ഗോൾഡ് ലോൺ എടുക്കുന്നവരും കുറവല്ല. അതുകൊണ്ടു വിലയിലെ മാറ്റം വിപണിയെ തണുപ്പിക്കില്ല. ഈ ചൂടിലും കൂടി നിൽക്കുന്ന സ്വർണവിലയാണ് നമ്മൾ കാണുന്നത്.
