ഇന്ന് ഒരു പവൻ സ്വർണ്ണത്തിന്റെ വിപണി വില 1,13,600 രൂപയായി തുടരുന്നു. ഇന്നലെ ഒരു പവൻ സ്വർണ്ണത്തിന് 1,120 രൂപ കുറഞ്ഞതോടെയാണ് വില ഈ നിരക്കിലേക്ക് താഴ്ന്നത്. ഗ്രാം നിരക്കിലും ഇന്ന് മാറ്റം പ്രകടമല്ല. ഒരു ഗ്രാം സ്വർണ്ണത്തിന് 14,200 രൂപ എന്ന നിലവാരത്തിലാണ് ഇന്ന് വ്യാപാരം നടക്കുന്നത്. ഇന്നലെ ഗ്രാമിന് 140 രൂപയുടെ കുറവ് രേഖപ്പെടുത്തിയിരുന്നു.
കഴിഞ്ഞ ഏതാനും ദിവസങ്ങളായി സ്വർണ്ണവില ഉയർന്നും താഴ്ന്നും അസ്ഥിരമായി തുടരുകയായിരുന്നു. ഈ മാസത്തെ ഏറ്റവും വലിയ ഇടിവുകളിലൊന്നാണ് ഇന്നലെ രേഖപ്പെടുത്തിയത്. വിവാഹ ആവശ്യങ്ങൾക്കായി സ്വർണ്ണം വാങ്ങാൻ കാത്തിരിക്കുന്നവർക്ക് നിലവിലെ ഈ വിലക്കുറവ് വലിയ ഗുണകരമാകും. വരും ദിവസങ്ങളിലും വിപണിയിൽ സമാനമായ രീതിയിലുള്ള മാറ്റങ്ങൾ തുടരുമോ എന്നാണ് സ്വർണം വാങ്ങാനായി കാത്തിരിക്കുന്നവർ ഉറ്റുനോക്കുന്നത്.
