കുളത്തൂപ്പുഴ ക്ഷേത്രക്കടവിൽ കുളിക്കാനിറങ്ങിയ യുവാവ് മുങ്ങിമരിച്ചു

കുളത്തൂപ്പുഴ ശാസ്താ ക്ഷേത്രക്കടവിന് സമീപം കുളിക്കാനിറങ്ങിയ രണ്ട് യുവാക്കളിൽ ഒരാൾ ഒഴുക്കിൽപ്പെട്ടു മുങ്ങിമരിച്ചു. മറ്റൊരാളെ നാട്ടുകാർ രക്ഷപ്പെടുത്തി.

ഏരൂർ കാഞ്ഞുവയൽ മഹേഷ് ഭവനിൽ ഷൈനിയുടെ മകൻ മഹേഷ് (18) ആണ് മരിച്ചത്. ചൊവ്വാഴ്ച വൈകിട്ട് ആറുമണിയോടെയാണ് സംഭവം. ക്ഷേത്രക്കടവ് കയത്തിൽ കുളിക്കാനിറങ്ങിയപ്പോൾ ഇരുവരും ശക്തമായ ഒഴുക്കിൽ അകപ്പെടുകയായിരുന്നു. നാട്ടുകാർ ഉടൻ ഇടപെട്ട് ഒരാളെ രക്ഷപ്പെടുത്തിയെങ്കിലും മഹേഷിനെ രക്ഷിക്കാൻ സാധിച്ചില്ല.