2021 ഓഗസ്റ്റ് മുതൽ സ്കൂൾ പ്രിൻസിപ്പലായി സേവനമനുഷ്ഠിക്കുന്ന കേണൽ ധീരേന്ദ്ര കുമാറിന്റെ കീഴിൽ അക്കാദമിക്, ഭരണ മേഖലകളിൽ സ്ഥാപനം കൈവരിച്ച വൻ പുരോഗതി പുരസ്കാരത്തിന് അർഹനാക്കുന്നതിൽ പ്രധാന ഘടകമായി. കേഡറ്റുകൾക്കിടയിൽ അച്ചടക്കവും സമഗ്രമായ വിദ്യാഭ്യാസ നിലവാരവും ഉറപ്പാക്കുന്നതിൽ അദ്ദേഹം വഹിച്ച പങ്ക് ശ്രദ്ധേയമാണ്.
നേരത്തെ വൈസ് ചീഫ് ഓഫ് ആർമി സ്റ്റാഫിന്റെ പുരസ്കാരം (2012), ജി.ഒ.സി ഇൻ സി പുരസ്കാരം (2017), എയർ ഓഫീസർ കമാൻഡിംഗ് ഇൻ ചീഫ് പുരസ്കാരം (2025) എന്നിവയും അദ്ദേഹം കരസ്ഥമാക്കിയിട്ടുണ്ട്. ഇന്ത്യൻ സൈന്യത്തിന്റെ ഉന്നത മൂല്യങ്ങൾ ഉയർത്തിപ്പിടിക്കുന്ന പ്രവർത്തനങ്ങൾക്കുള്ള വലിയ അംഗീകാരമാണ് പുതിയ പുരസ്കാരമെന്ന് വിലയിരുത്തപ്പെടുന്നു.
