ചക്കയിടുമ്പോൾ അത് നിലത്തു വീണ് പൊട്ടാതിരിക്കാൻ മെത്ത (ബെഡ്) വിരിച്ച് സുരക്ഷിതമായി പിടിക്കാൻ ശ്രമിച്ചതായിരുന്നു അനൂപ്. എന്നാൽ മരത്തിൽ നിന്ന് വീണ ചക്ക ബെഡിൽ തട്ടി അപ്രതീക്ഷിതമായി തെറിച്ചു വന്ന് അനൂപിന്റെ നെഞ്ചിനും കഴുത്തിനുമിടയിൽ ആഞ്ഞുവീഴുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ആ ജീവൻ നിലനിർത്താനായില്ല.
തൊഴിലിനോടുള്ള ആത്മാർത്ഥതയും ശ്രദ്ധയും മരണകാരണമായി മാറിയ ഈ സംഭവം ഒരു നാടിനെയാകെ നൊമ്പരത്തിലാഴ്ത്തിയിരിക്കുകയാണ്. സുകുമാരന്റെ മകനായ അനൂപ് ഒരു കുടുംബത്തിന്റെ വലിയ പ്രതീക്ഷയായിരുന്നു. ആ പ്രതീക്ഷകളാണ് തികച്ചും അവിശ്വസനീയമായ ഒരു അപകടത്തിലൂടെ ഇല്ലാതായത്.
അനൂപിന് പ്രിയപ്പെട്ടവരുടെ കണ്ണീരിൽ കുതിർന്ന ആദരാഞ്ജലികൾ... ഇനിയൊരു കുടുംബത്തിനും ഇത്തരമൊരു ദുരവസ്ഥ ഉണ്ടാകാതിരിക്കട്ടെ.
