വിശ്വസിക്കാനാവാത്ത ഒരു വാർത്തയുടെ ആഘാതത്തിലാണ് ആറ്റിങ്ങൽ പ്രദേശം. ഒരു രാത്രി അപ്പുറം നമുക്ക് ചുറ്റുമുണ്ടായിരുന്ന ഒരു കൗമാരക്കാരൻ, തന്റെ സ്വപ്നങ്ങളും പ്രതീക്ഷകളും പാതിവഴിയിൽ ഉപേക്ഷിച്ച് യാത്രയായിരിക്കുന്നു. ആറ്റിങ്ങൽ ഇളമ്പ ഗവൺമെന്റ് ഹയർ സെക്കൻഡറി സ്കൂളിലെ പ്ലസ്ടു വിദ്യാർത്ഥിയായ സിദ്ധാർത്ഥിന്റെ വിയോഗം നോവായി മാറുകയാണ്.
കഴിഞ്ഞ രാത്രിയും പതിവുപോലെ വീട്ടുകാർക്കൊപ്പം ഭക്ഷണം കഴിച്ച് സന്തോഷത്തോടെ ഉറങ്ങാൻ പോയതായിരുന്നു അവൻ. എന്നാൽ നേരം പുലർന്നിട്ടും ആ മുറി തുറന്നില്ല. ആശങ്കയോടെ വീട്ടുകാർ വാതിൽ പൊളിച്ച് അകത്തു കടന്നപ്പോൾ കണ്ടത് താങ്ങാനാവാത്ത കാഴ്ചയായിരുന്നു. ജീവിതത്തിന്റെ എല്ലാ വർണ്ണങ്ങളും മുന്നിൽ നിൽക്കെ, എന്തിനായിരിക്കും ആ മകൻ ഇത്തരമൊരു കടുത്ത തീരുമാനമെടുത്തതെന്ന ചോദ്യം ഉറ്റവരെയും സുഹൃത്തുക്കളെയും ഒരുപോലെ വേട്ടയാടുന്നു.
ഒരു നിമിഷത്തെ മാനസിക വിഷമമോ ചിന്തയോ ആകാം പലപ്പോഴും ഇത്തരം വലിയ നഷ്ടങ്ങളിലേക്ക് നമ്മെ എത്തിക്കുന്നത്. സിദ്ധാർത്ഥിന്റെ വേർപാടിൽ കുടുംബത്തിനുണ്ടായ തീരാനഷ്ടത്തിൽ പങ്കുചേരുന്നു. പ്രിയപ്പെട്ട സിദ്ധാർത്ഥിന് കണ്ണീരോടെ ആദരാഞ്ജലികൾ Media16 News
