മക്കളെ തനിച്ചാക്കി പോകാൻ ആ ഉമ്മയ്ക്കായില്ല, മരണത്തിന്റെ ആഴങ്ങളിലേക്ക് മക്കൾക്കൊപ്പം സൈനബയും, വിറങ്ങലിച്ച് വീണാലുങ്ങൽ പ്രദേശം...

മലപ്പുറം: പറപ്പൂരിൽ കുളത്തിൽ കുളിക്കാന്‍ ഇറങ്ങിയ അമ്മയും 2 മക്കൾക്കും കുളത്തിൽ മുങ്ങി മരിച്ചു. വീണാലുങ്ങൽ സ്വദേശി സൈനബ (40), മക്കളായ ഫാത്തിമ ഫർസീല (16), ആഷിഖ് (22) എന്നിവരാണ് മരിച്ചത്. ഉച്ചയ്ക്ക് രണ്ടേകാലോടെ വീടിന് സമീപത്തെ പാടത്തുള്ള കുളത്തിൽ വസ്ത്രം അലക്കാനും കുളിക്കാനുമായി ഇറങ്ങിയതായിരുന്നു ഇവർ..

വൈകുന്നേരം നാലരയോടെ അതുവഴി പോയ ഒരു ഇതര സംസ്ഥാന തൊഴിലാളിയാണ് ഫാത്തിമ ഫർസീലയെ കുളത്തിൽ മരിച്ച നിലയിൽ ആദ്യം കണ്ടത്. തൊഴിലാളി വിവരം അറിയിച്ചതിനെ തുടർന്ന് നടത്തിയ പരിശോധനയിലാണ് സൈനബയുടെയും, മകൻ ആഷിഖിനെയും കണ്ടെത്തുന്നത്. വേങ്ങര പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കിയ ശേഷം തിരൂരങ്ങാടി താലൂക്ക് ആശുപത്രിയില്‍ തുടര്‍ നടപടികള്‍ക്ക് മാറ്റി...