ശ്രദ്ധേയനായ മലയാളി യുവാവിനെ മരിച്ച നിലയിൽ കണ്ടെത്തി. തൃശ്ശൂർ പത്താംകല്ല് സ്വദേശി അഷ്റഫ്(43) ആണ് മരിച്ചത്. വടക്കാഞ്ചേരി എടങ്കക്കാട് റെയിൽവേ ട്രാക്കിനോട് ചേർന്ന തോട്ടിലാണ് മൃതദേഹം കണ്ടെത്തിയത്. ഇന്ന് രാവിലെ പത്ത് മണിയോടെയാണ് മൃതദേഹം നാട്ടുകാർ കാണുന്നത്. തുടർന്ന് പോലീസിനെ അറിയിക്കുകയായിരുന്നു. സമീപത്തെ തോട്ടുപാലത്തിന് മുകളിൽ നിന്ന് വീണതാകാം എന്നും സംശയമുണ്ട്.
2017 ലെ ഒരു ബൈക്കപടത്തിൽ അഷ്റഫിന്റെ കാൽപ്പാദം അറ്റുപോയിരുന്നു. സാഹസിക യാത്ര ഇഷ്ടപ്പെട്ടിരുന്ന അഷ്റഫ് തന്റെ പരിമിതികളെ മറികടന്ന് സൈക്കിളിൽ ഹിമാലയം, ലഡാക്ക് ഉൾപ്പെടെയുള്ളയിടങ്ങളിലേക്ക് യാത്ര നടത്തിയിരുന്നു.
