പരമാവധി 1200 പേര്‍ക്കാണ് ഒരു ഗ്രാമപഞ്ചായത്തിലെ ബൂത്തില്‍ വോട്ടുണ്ടാവുക. അത് നഗരസഭയിലേക്ക് വരുമ്പോള്‍ ഏകദേശം 1500 വരെ കാണും. ഇത്രയുമാളുകള്‍ വോട്ട് ചെയ്യുന്നതിനായി ബൂത്തുകളിലേക്ക് വരുമ്പോള്‍ സ്വാഭാവികമായും ഒരു വോട്ടര്‍ക്ക് വളരെ ചുരുങ്ങിയ സമയം മാത്രമേ ലഭിക്കുന്നുള്ളു. ഈ വിഷയം ഉന്നയിച്ച് എന്‍.എം താഹ, പി.വി ബാലചന്ദ്രന്‍ എന്നിവര്‍ ഹൈക്കോടതിയെ സമീപിക്കുകയായിരുന്നു. ബൂത്തുകളുടെ എണ്ണം വര്‍ധിപ്പിച്ചാല്‍ മാത്രമേ തിരക്കുകള്‍ കുറയ്ക്കാനും പ്രക്രിയകള്‍ സുഗമമാക്കാനും കഴിയുകയുള്ളൂവെന്ന് ഇവര്‍ ഹൈക്കോടതിയില്‍ പറഞ്ഞിരുന്നു. ഈ ഹരജി പരിഗണിച്ചുകൊണ്ടാണ് ഹൈക്കോടതിയുടെ നിര്‍ദേശം
