റിയാദ്: തിരുവനന്തപുരം വർക്കല സ്വദേശിയും റിയാദിലെ സാമൂഹിക രംഗത്ത് സജീവ സാന്നിധ്യവുമായിരുന്ന ഷബീർ അബ്‌ദുൽ ഖാദർ നജാഹി (ചിലക്കൂർ, സബീന മൻസിൽ) റിയാദിൽ അന്തരിച്ചു. ഇന്ന് പുലർച്ചെ റബുവയിലെ താമസസ്ഥലത്ത് വെച്ചായിരുന്നു അദ്ദേഹത്തിൻ്റെ മരണം സംഭവിച്ചത്. ദീർഘകാലമായി റിയാദിൽ പ്രവാസിയായിരുന്ന ഷബീർ, ജീവകാരുണ്യ സാമൂഹിക പ്രവർത്തനങ്ങളിൽ സജീവമായിരുന്നു.
മരണാനന്തര നടപടിക്രമങ്ങൾ ഐസിഎഫ് (ICF) വെൽഫെയർ
സെക്രടറി റസാഖ് വയൽക്കരയുടെ
നേതൃത്വത്തിൽ നടന്നുവരുന്നു. തുഫൈൽ എ കെ ആണ് പിതാവ്; മാതാവ് അസീമാ ബീവി. അൻസി എൻ ആണ് ഭാര്യ. ഇവർക്ക് നാലു വയസ്സുള്ള ഒരു മകനുണ്ട്.
