കൊട്ടാരക്കര നീലേശ്വരത്ത് ബൈക്കുകൾ കൂട്ടിയിടിച്ച് മൂന്ന് പേർ മരിച്ചു. പാലക്കാട് സ്വദേശി സഞ്ജയ്, നീലേശ്വരം കല്ലുവാതുക്കൽ സ്വദേശി വിജിൽ, ആറ്റിങ്ങൽ സ്വദേശി അജിത് എന്നിവരാണ് മരിച്ചത്. ഇന്ന് ഉച്ചയ്ക്ക് രണ്ട് മണിയോടെ നീലേശ്വരം അമ്പലത്തുംകാല റോഡിൽ ഗുരുമന്ദിരത്തിന് സമീപമായിരുന്നു അപകടം ഉണ്ടായത്. രണ്ട് ബൈക്കുകള് തമ്മില് കൂട്ടിയിടിക്കുകയായിരുന്നു. ഒരു ബൈക്കില് സഞ്ജയ്,വിജിൽ എന്നിവർ ഉൾപ്പടെ മൂന്ന് പേരും എതിർ ദിശയിൽ വന്ന ബുള്ളറ്റ് ബൈക്കില് അജിത്തും ആയിരുന്നു ഉണ്ടായിരുന്നത്. ബൈക്കുകള് അമിത വേഗതയിലായിരുന്നു എന്നാണ് ദൃക്സാക്ഷികള് പറയുന്നത്.
