കണിയാപുരം ചിറ്റാറ്റുമുക്ക് പള്ളി നടയിൽ താമസിക്കുന്ന അബ്ദുൾ റഹീം 45 ആണ് മരണപ്പെട്ടത്. പോത്തൻകോട് വെമ്പായം റോഡിൽ കൊഞ്ചിറ ചാത്തൻപാട് വച്ചായിരുന്നു അപകടം.
ഭാര്യ നസീഹയ്ക്കൊപ്പം ബൈക്കിൽ കന്യാകുളങ്ങര ഭാഗത്തേക്ക് വരവേ പിന്നാലെ വന്ന ടിപ്പർ ലോറി ഇടിച്ചിടുകയായിരുന്നു. ടിപ്പറിന്റെ പിൻചക്രം തട്ടി റഹീം സംഭവസ്ഥലത്ത് വച്ച് തന്നെ മരണപ്പെട്ടു.
ഭാര്യ നസീഹയെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.
രണ്ട് വാഹനങ്ങളും പോത്തൻ കോട് നിന്നും വെമ്പായം ഭാഗത്തേക്ക് വരികയായിരുന്നു ടിപ്പർ ബൈക്കിനെ ഓവർടേക്ക് ചെയ്യുന്നതിന് ആണ് അപകടം സംഭവിച്ചത്. പോത്തൻകോട് പോലീസ് മേൽ നടപടികൾ സ്വീകരിച്ചു .
