മൂന്ന് മേഖലകളില്‍ നിന്നുള്ള പ്രതിനിധികള്‍ ബോര്‍ഡ് യോഗത്തില്‍ പങ്കെടുക്കും. പാല്‍ വില വര്‍ദ്ധിപ്പിക്കുന്നതുമായി ബന്ധപ്പെട്ട് നിയോഗിച്ച കമ്മറ്റിയുടെ റിപ്പോര്‍ട്ട് ഇന്ന് ബോര്‍ഡ് യോഗത്തിന് മുമ്പാകെ വരും.
പാല്‍ വില അഞ്ചു രൂപ വരെയെങ്കിലും കൂട്ടണം എന്നാണ് പൊതുവായ ആവശ്യം. ഓണത്തിന് ശേഷം പാല്‍വില കൂട്ടുമെന്ന് നേരത്തെ പറഞ്ഞിരുന്നു.
നാളെ പൊതുയോഗം നടക്കാനിരിക്കെ പാല്‍വില കൂട്ടിയില്ലെങ്കില്‍ വലിയ പ്രതിഷേധത്തിലേക്ക് പോകുമെന്ന് ചില പ്രതിനിധികള്‍ ഇതിനോടകം മുന്നറിയിപ്പ് നല്‍കി. മൂന്നു രൂപ വരെയെങ്കിലും പാല്‍വില കൂട്ടും എന്നാണ് സൂചന.
