ഒരു ഓഫീസില്‍ രണ്ട് കാഷ് കൗണ്ടറുകള്‍ പ്രവര്‍ത്തിക്കുന്നിടത്ത് ഒന്ന് നിര്‍ത്തലാക്കും. ജീവനക്കാരെ ഡിവിഷന്‍, സര്‍ക്കിള്‍ ഓഫീസുകളിലേക്കോ പൊതുസ്ഥലംമാറ്റത്തിലോ ഉള്‍പ്പെടുത്തും. ഒരേ കെട്ടിടത്തില്‍ പ്രവര്‍ത്തിക്കുന്ന രണ്ട് സെക്ഷന്‍ ഓഫീസുകള്‍ക്കും ഇനി ഒരു കൗണ്ടര്‍ മാത്രമേ ഉണ്ടായിരിക്കുകയുള്ളു.
ബില്ലടയ്ക്കുന്നതിനുള്ള സമയം കൂടി ചുരുക്കിയിട്ടുണ്ട്. ഇതുവരെ രാവിലെ 8 മുതല്‍ വൈകിട്ട് 6 വരെ പണം സ്വീകരിച്ചിരുന്നുവെങ്കില്‍, ഇനി രാവിലെ 9 മുതല്‍ വൈകിട്ട് 3 വരെയാകും. 70 ശതമാനം ഉപഭോക്താക്കളും ഓണ്‍ലൈനായി ബില്‍ അടയ്ക്കുന്നതാണ് കൗണ്ടറുകള്‍ കുറയ്ക്കാന്‍ കാരണമായത്.
