സ്വർണവിലയിൽ ഇടിവ് തുടരുന്നു; പ്രതീക്ഷയോടെ ആഭരണ പ്രേമികൾ

സംസ്ഥാനത്ത് സ്വർണവിലയിൽ ഇന്നും ആശ്വാസം. കഴിഞ്ഞ രണ്ട് ദിവസങ്ങളിലായി വൻ ഇടിവ് രേഖപ്പെടുത്തിയ സ്വർണവിലയിൽ ഇന്ന് പവന് 40 രൂപയുടെ നേരിയ കുറവാണ് ഉണ്ടായിട്ടുള്ളത്. മൂന്ന് ദിവസത്തിനിടെ സ്വർണവിപണിയിൽ 1200 രൂപയിലധികം കുറവ് രേഖപ്പെടുത്തിയിട്ടുണ്ട്. ഇന്നലെ ഒരിടവേളയ്ക്ക് ശേഷം സ്വർണവില 74,000ത്തിലേക്ക് മടങ്ങിയെത്തിരുന്നു. ഇന്ന് 74,320 രൂപയിലാണ് സ്വർണ വ്യാപാരം നടക്കുന്നത്. 9290 രൂപയാണ് ഒരു ഗ്രാം സ്വർണത്തിന് ഇന്ന് നൽകേണ്ടത്.

ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കുന്നത്. അന്താരാഷ്ട്ര വിപണിക്കനുസരിച്ചാണ് ഇന്ത്യയിലെ വെള്ളി വില നിശ്ചയിക്കപ്പെടുന്നത്. ഡോളറുമായി താരതമ്യം ചെയ്യുന്പോള്‍ രൂപയുടെ വിലയില്‍ വരുന്ന കയറ്റിറക്കങ്ങളും വെള്ളി വിലയെ സ്വാധീനിക്കും.