തിരുവനന്തപുരം വിഴിഞ്ഞം ആഴിമല ക്ഷേത്രത്തിലെ ജീവനക്കാരൻ ഷോക്കേറ്റ് മരിച്ചു. നെയ്യാറ്റിൻകര സ്വദേശി രാഹുൽ വിജയനാണ് മരിച്ചത്. ആഴിമല ശിവക്ഷേത്രത്തിലെ ക്ലീനിങ് സ്റ്റാഫാണ്. ഇന്നലെ രാത്രി ക്ഷേത്ര പരിസരം പ്രഷർ ഗൺ ഉപയോഗിച്ച് വൃത്തിയാക്കുന്നതിന് ഇടയിലാണ് അപകടം. അപകടം നടന്ന ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.അതിനിടെ, വടകരയിൽ ഷോക്കേറ്റ് മരണം. തോടന്നൂരിലെ ഉഷ ആശാരിക്കണ്ടിയാണ് മരിച്ചത്. 51 വയസായിരുന്നു. വീട്ടുമുറ്റം വൃത്തിയാക്കുമ്പോൾ പൊട്ടി വീണ വൈദ്യുത കമ്പിയിൽ തട്ടിയാണ് മരണം സംഭവിച്ചത്. സമീപത്തെ മരത്തിൻ്റെ ശിഖരം വൈദ്യുത പോസ്റ്റിൽ വീണ് കമ്പി നിലം പതിച്ചിരുന്നു. ഇത് ഉഷയുടെ ശ്രദ്ധയിൽ പെട്ടിരുന്നില്ല. രാവിലെ ആറരയോടെയായിരുന്നു അപകടം നടന്നത്. മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റി.
