കാൻസർ ഹൃദയത്തെ ബാധിക്കുകയില്ല എന്നാണ് പലരും വിശ്വസിച്ചിരുന്നത് ഹാർട്ട് കാൻസർ അത്ര സാധാരണമല്ല. പ്രൈമറി ഹാർട്ട് കാൻസർ വളരെ അപൂർവമാണ്. കാർഡിയാക് ട്യൂമർ എന്നും അറിയപ്പെടുന്ന ഈ അവസ്‌ഥ, ശരീരത്തിലെ മൃദുകലകളിൽ ആരംഭിക്കുന്ന ഒരിനം കാൻസർ ആയ സർക്കോമ (sarcoma) ആയാണ് തുടങ്ങുന്നത്.
അടുത്തുള്ള എന്തെങ്കിലും അവയവത്തിൽ നിന്ന് കാൻസർ കോശങ്ങൾ ഹൃദയത്തിലേക്ക് വ്യാപിക്കുമ്പോഴാണ് ഹാർട്ട് കാൻസർ ഉണ്ടാകുന്നത്. ഇത് സെക്കൻഡറി ഹാർട്ട് കാൻസറിലേക്ക് നയിക്കുന്നു. പ്രധാനമായും ഇത് സ്‌തനങ്ങൾ, അന്നനാളം, ചർമം, ശ്വാസകോശം, വൃക്കകൾ എന്നിവയിൽ നിന്നും ഹൃദയത്തിലേക്ക് വ്യാപിക്കുന്നു. നെഞ്ചിൽ സ്‌ഥിതി ചെയ്യുന്ന തൈമസ് ഗ്ലാൻഡ്, ലിംഫാറ്റിക് സിസ്റ്ററ്റം, രക്ത‌ം എന്നിവിടങ്ങളിലെ കാൻസറുകളിൽ നിന്നും ഇത് ഹൃദയത്തിലേക്ക് വ്യാപിക്കാം.
റേഡിയേഷനും ചില വിഷാംശങ്ങളും കുടുംബപാരമ്പര്യവും രോഗകാരണമാകാം. ജീനുകളുടെ പ്രത്യേകത കൊണ്ട് ചില ആളുകൾക്ക് പ്രൈമറി ഹാർട്ട് കാൻസർ വരാനുള്ള സാധ്യത കൂടുതലാണ്. ഒരു ജീനിൽ സംഭവിക്കുന്ന മ്യൂട്ടേഷൻ ആണിതിന് കാരണം പ്രൊട്ടക്ഷൻ ഓഫ് ടെലോമിയേഴ്‌സ് പ്രോട്ടീൻ 1 അഥവാ പിഒടി 1 എന്ന ജീൻ ആണിത്. ഈ ജീൻ മ്യൂട്ടേഷൻ, രക്ഷിതാവിൽ നിന്ന് കുട്ടികളിലേക്ക് പകരാം.
*ഹാർട്ട് കാൻസർ എന്തുകൊണ്ട് അപൂർവം ആകുന്നോ...?*
കണക്ടീവ് ടിഷ്യു, മസിൽ സെൽസ് ഇവകളാൽ ഹൃദയം മൂടപ്പെട്ടിരിക്കുന്നു. ഇവ രണ്ടും വളരെ പെട്ടെന്ന് പുതുക്കപ്പെടാത്തവയാണ്. അതുകൊണ്ടു തന്നെ ഇവ കാൻസറിനെ പ്രതിരോധിക്കും. എപ്പിത്തീലിയൽ ടിഷ്യുവിലാണ് കാൻസർ കോശങ്ങൾ വളരുകയും പെരുകുകയും ചെയ്യുന്നത്. കാൻസറിനു കാരണമാകുന്ന മ്യൂട്ടേഷൻ വളരെ എളുപ്പത്തിൽ ഇതിനു സംഭവിക്കുന്നു.
മിക്ക അവയവങ്ങളെയും എപ്പിത്തീലിയൽ കലകൾ ആവരണം ചെയ്തിരിക്കുന്നു. അതുകൊണ്ടാണ് കാൻസർ സ്‌തനങ്ങളെയും പാൻക്രിയാസ്, ശ്വാസകോശങ്ങൾ, ചർമം തുടങ്ങിയ അവയവങ്ങളെയും സാധാരണയായി ബാധിക്കുന്നത്.
*ലക്ഷണങ്ങൾ*
വളരെ പെട്ടെന്നുണ്ടാകുന്ന ഹൃദയസ്‌തംഭനമാണ് ഹാർട്ട് കാൻസറിന്റെ പ്രധാന ലക്ഷണം. മിക്ക ആളുകൾക്കും ശ്വാസതടസ്സം, കടുത്ത ക്ഷീണം, തളർച്ച ഇവ അനുഭവപ്പെടാം. ഹൃദയ കാൻസറിന്റെ മറ്റ് ലക്ഷണങ്ങൾ ഇവയാണ്.
*ഹൃദയമിടിപ്പ് വളരെ വേഗത്തിലാവുക അല്ലെങ്കിൽ ഹൃദയമിടിപ്പ് ക്രമരഹിതമാവുക (arrhythmia).*
*നെഞ്ചുവേദന*
*ബോധക്കേട്*
*പെരികാർഡിയൽ എഫ്യൂഷൻ - ഹൃദയത്തിനു ചുറ്റും കൂടുതലായി ഫ്ലൂയിഡിന്റെ സാന്നിധ്യം*
*ശരീരഭാരം കുറയുക*
*കടുത്ത പുറംവേദന*
*ചുമച്ചു രക്ത‌ം തുപ്പുക*
*ഓർമക്കുറവ്*
*ഹാർട്ട് കാൻസർ ചികിത്സിക്കാനാവുമോ...?*
കീമോതെറാപ്പിയോ റേഡിയേഷൻ തെറാപ്പിയോ രണ്ടു ഒരുമിച്ചോ ചെയ്യുന്നത് ഹൃദയത്തിലെ ട്യൂമർ ചുരുങ്ങാനും ലക്ഷണങ്ങൾ കുറയാനും സഹായിക്കുമെന്ന് ഡോക്ടർമാർ പറയുന്നു. മറ്റൊരു കാൻസർ ഹൃദയത്തിലേക്ക് വ്യാപിക്കുകയാണെങ്കിൽ ആ പ്രൈമറി കാൻസർ ചികിത്സിക്കും.
ട്യൂമറിന്റെ വലുപ്പം, അത് സ്‌ഥിതി ചെയ്യുന്ന സ്‌ഥലം, ഒപ്പം ആരോഗ്യം, പ്രായം ഇതെല്ലാം ആശ്രയിച്ചാകും ചികിത്സ. ട്യൂമർ സർജറി വഴി നീക്കം ചെയ്യാനും സാധിക്കും. സർജറി അതീവസങ്കീർണമായതിനാൽ ഏതെങ്കിലും സ്പെഷ്യാലിറ്റി സെന്ററിൽ ചെയ്യുന്നതാകും ഉചിതം.
അപൂർവം ചില കേസുകളിൽ ഹൃദയം നീക്കം ചെയ്‌ത്‌ ഓപ്പറേറ്റ് ചെയ്തതിനുശേഷം ഓട്ടോട്രാൻസ്‌പ്ലാൻ്റേഷൻ എന്ന പ്രക്രിയ വഴി അത് തിരികെ സ്ഥഥാപിക്കും. ചില ഹൃദയശസ്ത്രക്രിയകളിലെന്നപോലെ, ശസ്ത്രക്രിയയുടെ സമയത്ത് ഒരു മെഷിൻ രക്തതം പമ്പ് ചെയ്യും. ചില കേസുകളിൽ ഹൃദയം മാറ്റിവയ്ക്കൽ ശസ്ത്രക്രിയയും നടത്തും. ഇതൊക്കെയാണെങ്കിലും ഹാർട്ട് കാൻസർ സുഖപ്പെടുത്താനാവില്ല എന്നാണ് ഡോക്ടർമാർ പറയുന്നത്.
