തിരുവനന്തപുരത്തേക്ക് വന്ന ട്രെയിനിനുള്ളില്‍ മൃതദേഹം

കൊച്ചി: കേരളത്തിലേക്ക് വന്ന ട്രെയിനിനുള്ളില്‍ യുവാവിന്റെ മൃതദേഹം കണ്ടെത്തി. ലോക്മാന്യതിലകില്‍ നിന്ന് തിരുവനന്തപുരം നോര്‍ത്ത് (കൊച്ചുവേളി) റെയില്‍വേ സ്‌റ്റേഷനിലേക്ക് വന്ന ട്രെയിനിലാണ് മൃതദേഹം കണ്ടെത്തിയത്. ഗോവയില്‍ നിന്ന് കയറിയ യുവാവിന്റെ പോക്കറ്റില്‍ നിന്ന് കണ്ണൂര്‍ വരെ യാത്ര ചെയ്യാനുള്ള ടിക്കറ്റ് കണ്ടെത്തിയിട്ടുണ്ട്.

പിറവം റോഡ് റെയില്‍വേ സ്റ്റേഷനില്‍ എത്തിയപ്പോള്‍ യാത്രക്കാര്‍ സംശയം തോന്നി ഗാര്‍ഡിനെ വിവരം അറിയിക്കുകയായിരുന്നു. രാവിലെ മുതല്‍ യുവാവിന് അനക്കമൊന്നുമില്ലായിരുവെന്ന് ട്രെയിനില്‍ ഒപ്പമുണ്ടായിരുന്ന മറ്റ് യാത്രക്കാര്‍ പൊലീസിനോട് പറഞ്ഞു.