ഓപ്പറേഷന്‍ ആക്രമണ്‍ എന്ന പേരിട്ടിരിക്കുന്ന വ്യോമാഭ്യാസത്തില്‍ റഫാല്‍ യുദ്ധവിമാനങ്ങളും സുഖോയ്-30 യുദ്ധവിമാനങ്ങളുമാണ് പങ്കെടുക്കുന്നത്. അംബാല, ഹഷിമാര എയര്‍ ബേസുകളില്‍ നിന്നാണ് റഫാല്‍ യുദ്ധവിമാനങ്ങളെത്തിയത്. വ്യോമാഭ്യാസത്തില്‍ സേന സങ്കീര്‍ണമായ സാഹചര്യങ്ങളില്‍ നടത്തുന്ന കരയാക്രമണം, ഇലക്ട്രോണിക് വാര്‍ഫെയര്‍ തുടങ്ങിയവയിലെ ശേഷികള്‍ പരിശോധിക്കുകയും പ്രദര്‍ശിപ്പിക്കുകയും ചെയ്തു.
ഇന്ത്യയില്‍ നിന്ന് തിരിച്ചടി ഭയക്കുന്ന പാകിസ്ഥാന്‍ ഇന്ത്യന്‍ വിമാനങ്ങള്‍ക്ക് വ്യോമയാന അതിര്‍ത്തി തുറന്ന് നല്‍കില്ലെന്ന് തീരുമാനിച്ചിരിക്കുകയാണ്. പാക് വ്യോമാതിര്‍ത്തി അടയ്ക്കുന്നതിനും ഇന്ത്യന്‍ വിമാനങ്ങള്‍ക്ക് അനുമതി നിഷേധിക്കുന്നതിനും പാകിസ്താന്‍ ഭരണകൂടം തീരുമാനമെടുത്തതായാണ് വിവരം. 2019 ല്‍ പുല്‍വാമ ആക്രമണത്തിന് ശേഷവും പാകിസ്ഥാന്‍ സമാനമായ നിരോധനം ഏര്‍പ്പെടുത്തിയിരുന്നു.
അതിര്‍ത്തി അടച്ചതിലും പാക് പൗരന്‍മാര്‍ക്ക് വിസ അനുവതിക്കില്ലെന്ന തീരുമാനത്തിലും അതോടൊപ്പം സിന്ധു നദി കരാര്‍ മരവിപ്പിച്ചതിലും മാത്രം ഒതുങ്ങില്ല ഇന്ത്യയുടെ പ്രതിഷേധമെന്നും തിരിച്ചടിക്കാന്‍ സാദ്ധ്യതയുണ്ടെന്നുമാണ് പാകിസ്ഥാന്‍ ഭയപ്പെടുന്നത്. ഇന്ത്യയുടെ ഭാഗത്ത് നിന്ന് അതിര്‍ത്തി കടന്ന് ഒരു ആക്രമണം ഉണ്ടാകുമോയെന്ന ആശങ്കയെ തുടര്‍ന്നാണ് ദേശീയ സുരക്ഷാ സമിതി യോഗം ചേര്‍ന്നത് പോലും.
