ഐസക് ന്യൂട്ടൻ വടകരയിൽ അറസ്റ്റിൽ

കോഴിക്കോട്: വടകരയിൽ വിദേശമദ്യവുമായി അന്തർ സംസ്ഥാന തൊഴിലാളി പിടിയിൽ. സ്വകാര്യ ബസിൽ നിന്നാണ് 40 കുപ്പി വിദേശ മദ്യവുമായി പശ്ചിമബംഗാൾ അമിത്പുർ സ്വദേശി ഐസക് ന്യൂട്ടൻ അറസ്റ്റിലായത്. അഴിയൂർ ചെക്ക് പോസ്റ്റിൽ വാഹന പരിശോധനയ്ക്കിടെയാണ് ഇയാൾ പിടിയിലായത്.വടകര ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റിന് മുമ്പാകെ ഹാജരാക്കിയ പ്രതിയെ 14 ദിവസത്തേക്ക് റമാൻഡ് ചെയ്തു.

പ്രിവന്റീവ് ഓഫീസർ ജയരാജ്, സിവിൽ എക്സൈസ് ഓഫീസർമാരായ സാവിഷ്, അനൂപ്, ലിനീഷ് എന്നിവരാണ് പരിശോധനാ സംഘത്തിലുണ്ടായിരുന്നത്.