കൊവിഡിന് ശേഷവുമുള്ള കുട്ടികളുടെ ആരോഗ്യത്തെയും നാം കരുതലോടെ കണ്ടേ മതിയാകൂ. ഈ കൊവിഡ് കാലത്ത് കുഞ്ഞിന് ഒരു ചെറിയ ചൂട് കണ്ടാൽ പോലും ഭയമാണ്. കൊവിഡ് ആകുമോ? ഡോക്ടറെ കാണണോ? പനി ടെസ്റ്റ് ചെയ്യണോ? കുട്ടിയ്ക്ക് പനി വന്നാൽ എന്തൊക്കെയാണ് ശ്രദ്ധിക്കേണ്ടത്...
1 കുട്ടിക്ക് പനി ഉണ്ടെങ്കിൽ, ആദ്യം ഒരു തെർമോമീറ്റർ ഉപയോഗിച്ച് കുട്ടിയുടെശരീര താപനില അളക്കുക. താപനില വർദ്ധിച്ചോ ഇല്ലയോ എന്നറിയാൻ ഇത് സഹായിക്കും. ഇതിനായി നിങ്ങൾക്ക് ഒരു മാനുവൽ അല്ലെങ്കിൽ ഡിജിറ്റൽ തെർമോമീറ്റർ ഉപയോഗിക്കാം.
2 പനിയുടെ പാരസെറ്റമോൾ മരുന്ന് ഡോക്ടറുടെ നിർദ്ദേശപ്രകാരം പനി മാറും വരെ നൽകുക. പനി വിട്ടുമാറാതെ നിൽക്കുകയാണെങ്കിൽ രക്തപരിശോധന ഡോക്ടറുടെ നിർദ്ദേശപ്രകാരം ചെയ്യുക. കുട്ടിക്ക് ചെറിയ പനി ഉണ്ടെങ്കിൽ നിർബന്ധിച്ച് ഭക്ഷണം നൽകരുത്. കുഞ്ഞിനെ നിർജ്ജലീകരണം വരാതെ ഇരിക്കുവാൻ ഉപ്പിട്ട കഞ്ഞിവെള്ളം, കരിക്കിൻ വെള്ളം, ORS, പാൽ മുതലായവ നൽകുക. എളുപ്പത്തിൽ ദഹിക്കുന്ന ആവിയിൽ പുഴുങ്ങിയ ഭക്ഷണം ഉത്തമം.
3 കുട്ടിയുടെ താപനില തുടർച്ചയായി വർദ്ധിക്കുകയാണെങ്കിൽ നിങ്ങൾ ഉടൻ തന്നെ ഡോക്ടറെ വിളിക്കുകയോ അടുത്തുള്ള ക്ലിനിക്കിൽ പോയി പരിശോധന നടത്തുകയോ ചെയ്യണം.
4 ചിലപ്പോൾ വസ്ത്രങ്ങളുടെ ചൂട് കാരണം താപനില സാധാരണയേക്കാൾ ഉയർന്നതായി തോന്നുന്നു. അത്തരമൊരു സാഹചര്യത്തിൽ, കൈകാലുകൾ കഴുകുക, കുട്ടിക്ക് മൃദുവും ഇളം നിറത്തിലുള്ളതുമായ വസ്ത്രങ്ങൾ ധരിക്കുക.
5 മരുന്ന് നൽകിയതിന് ശേഷവും കുട്ടിക്ക് കടുത്ത പനി ഉണ്ടെങ്കിൽ ചെറുചൂട് വെള്ളം എടുത്ത് അതിൽ ഒരു ടവൽ മുക്കി പിഴിഞ്ഞെടുക്കുക. തുണികൊണ്ട് കുട്ടിയുടെ ശരീരം നന്നായി തുടയ്ക്കുക.
6 കുട്ടിയുടെ പനി മാറ്റാൻ പല മാതാപിതാക്കളും ഫാനും എസിയും ഓഫാക്കി കുട്ടിയ്ക്ക് കട്ടിയുള്ള വസ്ത്രങ്ങൾ ധരിപ്പിക്കുന്നു. അത് ചെയ്യരുത്. നിങ്ങൾ അവരുടെ സുഖസൗകര്യങ്ങൾ ശ്രദ്ധിക്കുകയും അവരെ സുഖമായി ഉറങ്ങാൻ സഹായിക്കുകയും ചെയ്യുക.
