കോവിഡ് കാലത്ത് ഡീസല് വില വര്ധിക്കുന്നുവെന്നും ഇങ്ങനെ തുടർന്നാൽ ഈ വ്യവസായത്തിന് പിടിച്ച് നില്ക്കാന് പറ്റുന്നില്ലെന്നും ബസ് ഉടമകൾ അറിയിച്ചു. മിനിമം ചാര്ജ് 12 രൂപയെങ്കിലും ആക്കണമെന്നാണ് ബസുടമകളുടെ ആവശ്യം. വിദ്യാര്ഥികളുടെ മിനിമം യാത്രാനിരക്ക് 6 രൂപയാക്കുക, നികുതിയിളവ് നല്കുക തുടങ്ങിയ ആവശ്യങ്ങളും ബസുടമകള് മുന്നോട്ട് വെക്കുന്നു.
മുമ്പ് പ്രഖ്യാപിച്ച സമരം മാറ്റിവെച്ചതാണെന്നും ഉടമകൾ അറിയിച്ചു. ജസ്റ്റിസ് രാമചന്ദ്രന് കമ്മീഷന് നല്കിയിരിക്കുന്ന ശിപാര്ശ അടിയന്തരമായി നടപ്പാക്കണമെന്നും നിരക്ക് വര്ധനവ് ആവശ്യപ്പെട്ട് പലവട്ടം സര്ക്കാരിനെ സമീപിച്ചെങ്കിലും അനുകൂല സമീപനമുണ്ടാകാതിരുന്നതോടെയാണ് സമരത്തിലേക്ക് നീങ്ങുന്നതെന്നും ബസ് ഉടമകള് പറഞ്ഞു.
