കോവിഡ് വ്യാപനം ഉയർന്നതിനെത്തുടർന്നു തിരുവനന്തപുരം ജില്ലയിലെ 17 തദ്ദേശ സ്ഥാപന വാർഡുകൾ കണ്ടെയിൻമെന്റ് സോണുകളായും 11 പ്രദേശങ്ങൾ മൈക്രോ കണ്ടെയിൻമെന്റ് സോണുകളായും പ്രഖ്യാപിച്ചു. ഇവിടങ്ങളിൽ കർശന ലോക്ക്ഡൗൺ നിയന്ത്രണങ്ങൾ ഏർപ്പെടുത്തി.
മടവൂർ പഞ്ചായത്ത് ആറാം വാർഡ്; വാമനപുരം പഞ്ചായത്ത് ഒന്ന്, 14 വാർഡുകൾ;
വെട്ടൂർ പഞ്ചായത്ത് എട്ട്, 10 വാർഡുകൾ;
ഇടവ പഞ്ചായത്ത് ഏഴാം വാർഡ്,
വിതുര പഞ്ചായത്ത് മൂന്ന്, നാല്, എട്ട്, 10, 13, 14, 17 വാർഡുകൾ;
കിഴുവിലം പഞ്ചായത്ത് ഒന്ന്, രണ്ട്, 12, 13 വാർഡുകൾ എന്നിവയാണു കണ്ടെയിൻമെന്റ് സോണുകൾ.
തിരുവനന്തപുരം കോർപ്പറേഷൻ 35-ാം ഡിവിഷനിൽ വെള്ളൈക്കടവ്, നെയ്യാറ്റിൻകര മുനിസിപ്പാലിറ്റി 43-ാം വാർഡിൽ നവഗ്രാമം മേഖല, 44-ാം വാർഡിൽ വിവേകാനന്ദ ലെയിൻ, മടവൂർ പഞ്ചായത്ത് 12-ാം വാർഡിൽ വലിയകുന്ന് മേഖല, വിതുര പഞ്ചായത്ത് ഒന്നാം വാർഡിൽ ആറ്റുമണപ്പുറം, രണ്ടാം വാർഡിൽ ശാസ്താംകാവ്, 11-ാം വാർഡിൽ പന്നിക്കുഴി, 12-ാം വാർഡിൽ പന്നിക്കുഴി, 12-ാം വാർഡിൽ മൺകുടിച്ചിറ മേഖല, കുറ്റിച്ചൽ പഞ്ചായത്ത് 13-ാം വാർഡിൽ മാമ്പള്ളി സാംസ്‌കാരിക നിലയം, പൂവച്ചൽ പഞ്ചായത്ത് 13-ാം വാർഡിൽ മൊട്ടമൂല എൽ.പി.എസിനു പിൻവശം മുതൽ ലക്ഷംവീട് കോളനി വരെയുള്ള മേഖല എന്നിവിടങ്ങളാണു മൈക്രോ കണ്ടെയിൻമെന്റ് സോണുകൾ.
ഞായറാഴ്ച സംസ്ഥാനത്ത് പ്രഖ്യാപിച്ചിട്ടുള്ള ലോക്ക്ഡൗൺ നിയന്ത്രണങ്ങൾ ഈ പ്രദേശങ്ങളിൽ എല്ലാ ദിവസവും ബാധകമായിരിക്കും. ഭക്ഷ്യവസ്തുക്കൾ, പലചരക്ക്, പഴങ്ങൾ, പച്ചക്കറികൾ, പാൽ ഉത്പന്നങ്ങൾ, മാംസം, മത്സ്യം, മൃഗങ്ങൾക്കുള്ള ഭക്ഷ്യസാധനങ്ങൾ, കാലിത്തീറ്റ, കോഴിത്തീറ്റ തുടങ്ങിയവ വിൽക്കുന്ന കടകൾ, ബേക്കറികൾ എന്നിവയ്ക്കു മാത്രമേ ഈ പ്രദേശങ്ങളിൽ പ്രവർത്തനാനുമതിയുള്ളു. രാവിലെ ഏഴു മുതൽ വൈകിട്ട് ഏഴുവരെ ഇവ തുറക്കാം. റേഷൻ കടകൾ, മാവേലി സ്റ്റോറുകൾ, സപ്ലൈകോ ഷോപ്പുകൾ, മിൽമ ബൂത്തുകൾ തുടങ്ങിയവ ദിവസവും വൈകിട്ട് അഞ്ചു വരെ തുറക്കാം. റസ്റ്ററന്റുകളും ഹോട്ടലുകളും രാവിലെ ഏഴു മുതൽ വൈകിട്ട് 7.30 വരെ ഹോം ഡെലിവറിക്കു മാത്രമായി തുറക്കാം. ഡൈൻ-ഇൻ, ടേക്ക് എവേ, പാഴ്സൽ തുടങ്ങിയവ അനുവദിക്കില്ല.
പൊതുജനങ്ങൾ പരമാവധി വീടിനടുത്തുള്ള കടകളിൽനിന്നു സാധനങ്ങൾ വാങ്ങണം. മേൽപ്പറഞ്ഞ വിഭാഗത്തിൽപ്പെടുന്നതല്ലാത്ത എല്ലാ കടകളും അടച്ചിടും. ചന്തകൾ പ്രവർത്തിക്കാൻ അനുവദിക്കില്ല. ഇ-കൊമേഴ്സ് സ്ഥാപനങ്ങൾ ഡെലിവറിക്കായി രാവിലെ ഏഴു മുതൽ ഉച്ചയ്ക്കു രണ്ടു വരെ പ്രവർത്തിക്കാം. കണ്ടെയിൻമെന്റ് സോൺ ശക്തമായ പൊലീസ് നിയന്ത്രണത്തിലായിരിക്കും.
വിതുര പഞ്ചായത്തിലെ 11-ാം വാർഡിൽ കരിപാലം പ്രദേശം മൈക്രോ കണ്ടെയിൻമെന്റ് സോണിൽനിന്ന് ഒഴിവാക്കി.
