സംഭവത്തിന്റെ ചുരുക്കം:
തിങ്കളാഴ്ച രാത്രി 8 മണിയോടെ മെഡിക്കൽ സ്റ്റോർ അടച്ച് ജീവനക്കാർ മടങ്ങിയതിന് പിന്നാലെയാണ് മോഷണം നടന്നത്. രാത്രി 8.30നും 9നും ഇടയിലാണ് കവർച്ച അരങ്ങേറിയത്. മുഖംമൂടി ധരിച്ച് ഓട്ടോയിലെത്തിയ പ്രതി, കടയുടെ ഷട്ടർ കുത്തിത്തുറന്നാണ് അകത്തുകടന്നത്. തുടർന്ന് കൗണ്ടറിൽ സൂക്ഷിച്ചിരുന്ന പണം കവരുകയായിരുന്നു. മോഷണത്തിന് ശേഷം ഇവർ വീണ്ടും ഓട്ടോയിൽ തന്നെ കയറി രക്ഷപ്പെടുകയും ചെയ്തു.
സിസിടിവി ദൃശ്യങ്ങൾ നിർണ്ണായകമായി:
കടയുടമയുടെ പരാതിയെ തുടർന്ന് പൊലീസ് നടത്തിയ ശക്തമായ അന്വേഷണത്തിലാണ് പ്രതി കുടുങ്ങിയത്. മുഖംമൂടി ധരിച്ച് യുവതി ഓട്ടോയിൽ വന്നിറങ്ങുന്നതും, കൗണ്ടറിൽ നിന്ന് പണം കവരുന്നതും, മോഷണശേഷം ഓട്ടോയിൽ കടന്നുകളയുന്നതുമായ സിസിടിവി ദൃശ്യങ്ങൾ പൊലീസ് പരിശോധിച്ചിരുന്നു. ഈ ദൃശ്യങ്ങൾ കേന്ദ്രീകരിച്ച് നടത്തിയ ശാസ്ത്രീയ അന്വേഷണത്തിനൊടുവിലാണ് പ്രതിയെ പിടികൂടാൻ സാധിച്ചത്.
