ഇന്നലെ 1,11,040 രൂപയിലേക്കാണ് സ്വർണവില എത്തിയത്. ഈ മാസത്തെ ഏറ്റവും ഉയർന്ന വിലയാണിത്. ഇന്നും ഇതേ നിരക്കിലാണ് സംസ്ഥാനത്ത് സ്വർണവ്യാപാരം പുരോഗമിക്കുന്നത്.
വെള്ളിയാഴ്ച 110520 രൂപയായിരുന്നു ഒരു പവൻ സ്വർണത്തിന്റെ വില. 520 രൂപ കൂടിയാണ് വില 1,11,040 രൂപയിലേക്ക് എത്തിയത്. ഇനിയും വില ഉയരുമോ എന്ന ആശങ്കയിലാണഅ സാധാരണക്കാർ. ഒരു ഗ്രാം സ്വർണത്തിന്റെ ഇന്നത്തെ വില 13,880 രൂപയാണ്.
ലോകത്ത് നടക്കുന്ന രാഷ്ട്രീയ വിഷയങ്ങളും സ്വർണ വിപണിയെ സാരമായി ബാധിക്കുന്നുണ്ട്. ഈ അടുത്തിടെയായി പ്രതീക്ഷകൾക്ക് വിരുദ്ധമായാണ് സ്വർണവില മാറിക്കൊണ്ടിരിക്കുന്നത്. സ്വർണത്തിലെ മാറ്റങ്ങൾ വിപണി വിഗദ്ധരുടെ പോലും കണക്കുകൂട്ടലുകൾ തെറ്റിച്ചാണ് വ്യതിചലിച്ചുകൊണ്ടിരിക്കുന്നത്. വർഷം അവസാനിക്കാൻ ഇനി രണ്ട് മാസം മാത്രമാണ് ബാക്കി. ഇനി സ്വർണ വിലയിൽ വലിയൊരു ഇടിവ് പ്രതീക്ഷിക്കേണ്ടതുണ്ടോ എന്നാണ് ഏവരുടെയും സംശയം.
ഈ മാസം ഇതുവരെയുള്ളതിൽ ഏറ്റവും കുറഞ്ഞ തുക 1,09,280 രൂപയായിരുന്നു. ഒക്ടോബർ ആറിനാണ് സ്വർണവില ഈ നിരക്കിലേക്ക് എത്തിയത്. പിന്നീടങ്ങോട് പടിപടിയായി സ്വർണവില ഉയരുന്ന കാഴ്ചക്കാണ് വിപണി സാക്ഷ്യം വഹിച്ചത്
