യുവതികൾ സഞ്ചരിച്ച സ്കൂട്ടറിന് തൊട്ടുമുൻപിൽ പോയ കാർ പെട്ടെന്ന് ബ്രേക്ക് ചെയ്തതാണ് അപകടത്തിന് കാരണമായത്. തുടർന്ന് പിന്നാലെ വന്ന സ്കൂട്ടർ പെട്ടെന്ന് ബ്രേക്ക് ചെയ്തതോടെ നിയന്ത്രണം തെറ്റി മറിയുകയും, യുവതികൾ റോഡിലേക്ക് തെറിച്ചുവീഴുകയുമായിരുന്നു. ഈ സമയം എതിർദിശയിൽ വന്ന ‘സിഎംഎസ്’ സ്വകാര്യ ബസ് ഇവരുടെ ശരീരത്തിലൂടെ കയറിയിറങ്ങുകയായിരുന്നു. ഇരുവരും സംഭവസ്ഥലത്തുതന്നെ അന്ത്യശ്വാസം വലിച്ചു.
