2025–26 സീസണിൽ ബയൺ മ്യൂണിക്കിനായി നടത്തിയ പ്രകടനമാണ് ഹാരി കെയ്‌നെ പുരസ്കാരത്തിന് അർഹനാക്കിയത്. 2001നുശേഷം ബലോൻ ദ് ഓർ നേടുന്ന ആദ്യ ഇംഗ്ലിഷ് താരമാണ് കെയ്ൻ. ബാഴ്‌സലോണയ്ക്കും സ്പാനിഷ് ദേശീയ ടീമിനും വേണ്ടിയുള്ള പ്രകടനമാണ് അലക്സിയ പ്യുട്ടിയാസിനെ വനിതാ വിഭാഗത്തിൽ പുരസ്കാരത്തിന് അർഹയാക്കിയത്.
മികച്ച യുവതാരത്തിനുള്ള കോപ്പ ട്രോഫി സ്പെയിനിന്റെ ലമീൻ യമാൽ സ്വന്തമാക്കി. വനിതാ വിഭാഗത്തിൽ സ്പാനിഷ് താരം വിക്കി ലോപ്പസിനാണ് കോപ്പ ട്രോഫി. മികച്ച പുരുഷ ഫുട്ബോൾ പരിശീലകനായി സ്പാനിഷ് ദേശീയ ടീമിന്റെ പരിശീലകൻ ലൂയി ഡെ ലാ ഫ്യുവന്തെയും വനിതാ വിഭാഗത്തിൽ പെരെ റോമിയുവും തിരഞ്ഞെടുക്കപ്പെട്ടു.
പുരുഷ വിഭാഗത്തിലെ മികച്ച ഗോൾകീപ്പറായി സ്പെയിനിന്റെ ഉനായ് സിമോൻ തിരഞ്ഞെടുക്കപ്പെട്ടപ്പോൾ വനിതാ വിഭാഗത്തിൽ കാറ്റലീന തോമസിനാണ് പുരസ്കാരം. മികച്ച പുരുഷ ക്ലബിനുള്ള പുരസ്കാരം ഫ്രഞ്ച് ക്ലബ് പിഎസ്ജിയും വനിതാ വിഭാഗത്തിലെ പുരസ്കാരം ബാഴ്‌സലോണയും നേടി.
മികച്ച പുരുഷ സ്ട്രൈക്കറായി ഹാരി കെയ്‌നെയും വനിതാ സ്ട്രൈക്കറായി മെക്സിക്കൻ താരം വെറോണിക്ക ചാർലിൻ കോറലിനെയും തിരഞ്ഞെടുത്തു. ബലോൻ ദ് ഓർ പുരസ്കാരദാനച്ചടങ്ങ് ആദ്യമായാണ് ലണ്ടനിൽ നടന്നത്.
