ജിമ്മിലേക്ക് പോകുന്നതിനിടെ ലോറിയുമായി കൂട്ടിയിടിച്ച് യുവാവിന് ദാരുണാന്ത്യം

നെടുമങ്ങാട്: നെറ്റിറച്ചിറ കുറിഞ്ചിലക്കോട് ഗ്രേസ് ഭവനിൽ രഞ്ജിത്തിന്റെ മകൻ അലൻ രഞ്ജിത്ത് (19)ആണ് വാഹനാപകടത്തിൽ മരിച്ചത് . വീട്ടിൽനിന്ന് രാത്രി മുണ്ടേലയിലെ ജിമ്മിലേക്ക് പോകുന്നതിനിടെയാണ് ദാരുണമായ അപകടമുണ്ടായത്.

ഇന്നലെ രാത്രി 8.30-ഓടെയായിരുന്നു അപകടം. മുന്നിൽ പോയ കാറിനെ മറികടക്കുന്നതിനിടെ എതിർദിശയിൽ തടിയുമായി എത്തിയ ലോറിയിൽ അലൻ സഞ്ചരിച്ച ബൈക്ക് ഇടിക്കുകയായിരുന്നുവെന്നാണ് ലഭിക്കുന്ന വിവരം.ഇടിയുടെ ആഘാതത്തിൽ ദൂരെക്ക് തെറിച്ചു വീഴുകയായിരുന്നു. അപകടത്തിൽ തലയ്ക്ക് ഗുരുതരമായി പരിക്കേറ്റ അലൻ സംഭവസ്ഥലത്തുവച്ചുതന്നെ മരിച്ചു.

അലന്റെ അച്ഛൻ രഞ്ജിത്ത് കൂലിപ്പണിക്കാരനാണ്. അമ്മ റിൻകോ ഓർക്കിഡ് എക്സ്പോർട്ടിങ് കമ്പനിയിലെ തൊഴിലാളിയാണ്.